Skandali me diplomat/ Manastirliu: Kishte një seri shkeljesh, kemi marrë masat që në korrik

18 Shtator 2024, 12:34, Politikë CNA

Skandali me diplomat/ Manastirliu: Kishte një seri shkeljesh, kemi

Ministrja e Arsimit, Ogerta Manastirliu, ka folur për skandalin me diplomat të kolegjit "Wisdom".

E ftuar në "Opinion", Manastirliu ka deklaruar se janë konstatuar një seri shkeljesh nga ky kolegj dhe që prej korrikut janë marrë masat, kolegji është mbyllur.

Intervista në "Opinion"

-Një institucion i arsimit të lartë, Kolegji “Wisdom”, lëshonte diploma false, kishte ‘mbytur’ Italinë me këto diplomat. Për një shumë, siç thoshte shtypi italian, rreth 8 mijë euro. Është hera e dytë që ndodh në 10 vite…

Ministrja Ogerta Manastirliu: Në gjithë këtë infrastrukturën e re të arsimit të lartë ne kemi tashmë institucione që akreditojnë programet e studimit, kolegjet, universitetet, që janë të pavarura nga ministria, por vetë ministria vlerëson periodikisht aktivitetin e tyre. Në dhjetor 2023, në vijim të verifikimit të ligjshmërisë ka filluar për 12 institucione publike dhe private pikërisht inspektimi i ligjshmërisë. Për këtë institucion masat janë marrë. Grupi i punës që ka qenë në kontroll përgjatë gjithë këtyre muajve ka arritur në përfundimin se rekomandimi është mbylja e këtij institucioni. Kemi marrë masat që në korrik!

-Keni letër apo dokument për këtë gjë?

Ministrja Ogerta Manastirliu: Patjetër! Kemi raportin e grupit të punës.

-Çfarë zbuloi grupi i punës?

Ministrja Ogerta Manastirliu: Janë një seri shkeljesh përgjatë viteve që është ushtruar ky kontroll. Kemi konstatuar disa elementë të programit të studimit të pamiratuara nga ministria, ka konstatuar regjistra themeltarë sepse tani po bëjmë një reformë totale për sistemin online të numrit të amzave, këto regjistra kanë pasur problematika që janë zbardhur. Është punuar për një periudhë nga viti 2019 deri në 2022-shin për këtë institucion dhe të tjera. Jo vetëm që janë kontastuar dhe jemi në procedurat e mbylljes, ne në korrik nuk u kemi akorduar apo certifikuar kuota për hapjen e tij.

-Rasti i “Wisdom” është i veçuar apo fenomen në universitetet shqiptare?

Ministrja Ogerta Manastirliu: Deri më tani, në fazën e parë, nga 2022-shi deri më sot janë identifikuar 24 institucione private dhe publike. Është mbyllur dhe një kolegj me emrin “Pavarësia”. Është punë e Bordit të Akreditimit dhe ne nuk do ndalemi derisa të gjitha këto institucione të kalojnë në sitë./ CNA