web counter
LEXO PA REKLAMA!

SHKARKO APP

App Store
Google Play

E fundit!

x

Skandali i inceneratorëve/ Berisha “i çjerr maskën” Ramës: Si ka gjë 10-shet, luan me qindra

7 Korrik 2022, 21:08, Politikë CNA
Skandali i inceneratorëve/ Berisha “i çjerr maskën”
Kryetari i Partisë Demokratike, Sali Berisha

Afera e inceneratorëve është njëra nga çështjet që ceku kryetari i Partisë Demokratike, Sali Berisha, në protestën që po zhvillohet para Kryeministrisë.

Gjatë fjalës së tij, Berisha deklaroi se Rama dhe Veliaj kanë përvetësuar 120 milionë euro me Engjëll Agaçin dhe Lefter Kokën.

"Nuk do të doja kurrë nga kjo platformë të flisja për hajdutë dhe vjedhës, mirëpo, më thuaj pak zotërote, çfarë të të them kur sarajet e Surrelit, pallatin në pajë i ke ndërtuar kur kishe të deklaruara 4 mijë euro, nga të ranë ato para? Nga qielli? Njëherë para emigracioni, e njëherë the para nga familja, Edi Rama çdo qindarkë e tyre është hajni.

Ndërtuesi i tyre para një muaji fitoi tenderin i vetëm në garë me 99.9 për qind të vlerës, 11 mln euro, por këto zotërote janë vetëm kafetë, sepse ti me firmat e tua nuk i ke gjë 10-shet.

Edi Rama me firmat që ke vendosur për djegësat që shkojnë në 420 mln euro, me Agaçin e Ahmetajn, Veliajn e Kokën përvetësuat deri tani 120 mln euro.

Këto ditë doli se nga 60 mln euro të dhëna për djegësin e Tiranës, s’është ndërtuar asgjë. Paratë janë fshehur në konto pensionistësh që nuk dinë asgjë se ekzistonin ato. Skandali i djegësave është më i madh, por po kaq të mëdha janë paratë e transferuara nga ndërtimi, të vjedhura nga ndërtimi i rrugëve”, theksoi ndër të tjera ish-kryeministri. 

Ish-kryeministri nuk i ndali akuzat ndaj kreut të qeverisë, teksa i bëri thirrje të largohet.

"Edi Rama, nga ky shesh, në emër të qytetarëve shqiptarë të bëj thirrje, boll vodhe, ik. Shqipëria është në rrezik sepse në rrezik është e ardhmja e saj. Një komb që lind dhe rrit fëmijë për emigracion, është një komb pa rini, pa të ardhme. Edi Rama në 5 vite largoi 540 mijë të rinj dhe shqiptarë nga Shqipëria. As Çubrilloviçi nuk do kishte ndjekur një politikë tjetër ndaj shqiptarëve. Edi Rama ka një urrejtje gjenetike ndaj shqiptarëve, sepse i përket atij soji që vriste, ekzekutonte, burgoste qytetarët shqiptarë dhe që e dinte që ata të shtypur i urrenin për vdekje bllokmenët hoxhistë. Për të gjitha këto qëndrime, ne do t'i presim atij biletën dhe ky është vetëm fillimi i marshit tonë të lirisë", nënvizoi Berisha./ B.A. – CNA.al





Lajmet e fundit nga