web counter
LEXO PA REKLAMA!

SHKARKO APP

App Store
Google Play

“Rama dhe Veliaj, pronarë të inceneratorëve”/ Këlliçi: Kryeministri, një frikacak që i ikën popullit të vet

7 Korrik 2022, 20:37, Politikë CNA
“Rama dhe Veliaj, pronarë të inceneratorëve”/
Belind Këlliçi

Deputeti i PD-së, Belind Këlliçi, ka qenë i ashpër ndaj qeverisë dhe kryeministrit Edi Rama. Pjesë e akuzave të tij ka qenë edhe kryebashkiaku i Tiranës Erion Veliaj, për të cilin thotë se është projektuesi i ndërtimit të kullave, pronari i vërtetë i inceneratorëve.

“Për të gjithë ata që kishin shqetësim temperaturat e larta, se jemi në verë. Bërtisni një herë 'Rama ik' ta dëgjojë deri në Vlorë. Ai ikën në Vlorë, një frikacak që ikën dhe fshihet mos t’ju shohë. Iku dhe mori kërpudhën me vete. Një burrë shteti do qëndronte këtu dhe do t'i shihte në sy qytetarët e tij, por ai ia mbathi. Miqtë e mi Shqipëria po pakësohet çdo ditë. Shqipëria që duan këta, e Edi Ramës, e Spiropalit e Agaçit e Ulsiut etj, mund të jetë e bukur, vjen parfum francez, ka konkord të dritave të luksit në bregdet. Ka sigurinë e apartamenteve të mbushura me para 'cash'. Por ky vend me politikanët më të korruptuar nuk u krijua falë gjenialitetit të tyre, por u krijua mbi Shqipërinë tonë duke ia marrë të gjitha pasuritë. Kjo bandë është koka e inceneratorëve, janë ata që larguan të rinjtë, larguan mjekët dhe të rinjtë.

Nuk ka fare komitet ekspertësh dhe as bord çmimesh, janë këta të dy që e mbajnë peng të gjithë vendin me vendimet e tyre. Shqipëria e vërtetë ka aromën e varfërisë. Imagjinoni se me çfarë lufte përballet sot një i papunë në Shqipëri. Ne e kemi shembullin para syve tanë për të kuptuar pse jemi në rrezik. Sot nga ky shesh i them dhe unë çdo socialisti ku e shihni ndershmërinë tek Edi Rama. Ku e keni ngjashmërinë tuaj me Edi Ramën? A keni ju avionë privatë për të kërkuar fëmijët tuaj? Ku i keni paratë për të mbushur tryezat. Nuk është e vjedhur Shqipëria, e ka vjedhur ky cep më cep”, tha Këlliçi./CNA.al





Lajmet e fundit nga