web counter
LEXO PA REKLAMA!

SHKARKO APP

App Store
Google Play

E fundit!

x

Pjesë e protestës para Kryeministrisë/ Ish-deputeti, mesazh të rinjve

7 Korrik 2022, 20:05, Politikë CNA
Pjesë e protestës para Kryeministrisë/ Ish-deputeti, mesazh
Erion Piciri

Pedagogu dhe ish-deputeti, Erion Piciri, në fjalën e tij në protestën e thirrur nga Sali Berisha tha se do të goditet qeveria dhe çdokush që është pengesë për në Europë.

Ai dha një mesazh për të gjithë të rinjtë, që të mos largohen nga atdheu, por të japin kontributin e tyre këtu në Shqipëri. Askush nuk e kishte menduar tha ai, që pas 30 vitesh, Shqipëria të braktisë Europën dhe të bashkohet me Serbinë.

‘Sot jemi shumë, këta janë njerëz me kurajë, njerëz që godasin partinë-shtet, njerëz që kërkojnë lirinë dhe Europën. Kjo është trashëgimia jonë politike. Pas 30 vitesh nuk e mendonim që Shqipëria do të ishte një nga tri vendet më të korruptuara, se do linim Europën dhe do bashkoheshim me Serbinë, se ngjajmë me Afrikën.

Sot na thërret një zë i fortë, një jehonë që vjen nga rilindasit të atyre njerëzve që besuan se do jemi një nga kombet dinjitoze të Europës.

Ne sot na thërret zëri i atyre njerëzve që luftojnë për bukën. Sot është një ndryshim i qenësishëm, drejt ekselencës.

Unë mendoj se është koha për drejtësi, pas 30 vitesh tranzicion. Është koha që keqbërësit të mos mbajnë moral politik. Është koha që shqiptarët të shkojnë drejt Europës.

Një mesazh për të rinjtë shqiptarë. Ju që jeni këtu, ata që kanë bërë bagazhet të ikin.

Mbi paranë dhe karrierën ekziston atdheu. Do vërtiteni nëpër botë, por atdheu është më i rëndësishmi. Ky është momenti i së vërtetës. Ne do godasim këtë qeveri dhe gjithkush që është një pengesë në rrugën e Europës’, tha ndër të tjera Piciri./CNA.al





Lajmet e fundit nga