web counter
LEXO PA REKLAMA!

SHKARKO APP

App Store
Google Play

E fundit!

x

“S’ka bashkëpunim mekanik të opozitës”/ Kapri: Në zgjedhjet për Tiranën, me kandidat unifikues

16 Prill 2026, 15:53, Politikë CNA

“S’ka bashkëpunim mekanik të opozitës”/ Kapri:

Deputeti i Partisë Mundësia, Erald Kapri, tha sot se kjo forcë politike do të vijojë drejt zgjedhjeve vendore me të gjitha opsionet e hapura.

Në një studio televizive, Kapri u ndal edhe te situata aktuale e opozitës, që në gjykimin e tij, nuk mund të bashkohet mekanikisht.

Sipas Kaprit, opozita duhet të ketë kauza të drejta dhe një kandidat unifikues në garën për Bashkinë e Tiranës.  

“Nuk mund të ketë bashkëpunim mekanik të opozitës. Nuk ka nevojë për tryeza se të bashkojnë kauzat. Mund të jetë Kodi Zgjedhor, ne kemi dhënë propozimet tona. Këto tryeza nuk është se i shërbejnë ndonjë gjëje thelbësore. Sa kohë jemi parti opozitare në ngritje duam të vijojmë të ecim përpara. Shumë çështje që ndajmë me PD-në, ne kemi preferuar të ecim përpara. Çdo mundësi është për zgjedhjet vendore, nuk paragjykojmë gjë. Në Bashkinë e Tiranës ishte një kandidat që unifikonte opozitën dhe ende nuk e dimë nëse është Florjan Binaj apo jo. E kemi dhënë mbështetjen dhe nuk do të ishte e ndershme në çdo pikëpamje që të tërhiqej një mbështetje pa dhënë një shpjegim. Në opozitë bashkojmë kauzat. Kur ka pasur kauza të drejta kemi dhënë kapacitetin tonë, p.sh. në nismat e sjella nga PD-ja në Parlament i kemi mbështetur kur ishin të drejta, por na ndajnë edhe aspekte të tjera të PD-së”,-u shpreh Kapri./CNA





Lajmet e fundit nga