web counter
LEXO PA REKLAMA!

SHKARKO APP

App Store
Google Play

E fundit!

x

“Si Liza në botën e çudirave”/ Bozdo ironizon programin e qeverisë ‘Rama 4’

17 Shtator 2025, 20:24, Politikë CNA

“Si Liza në botën e çudirave”/ Bozdo ironizon

Anëtari i kryesisë së Partisë Demokratike, Enno Bozdo ndau sot disa kritika lidhur me programin qeverisës 'Rama 4'. 

Në një intervistë në A2CNN, Bozdo u shpreh ironikisht se programi është aq i paqartë, sa një person që e lexon e ndjen veten si në botën e çudirave.

Bozdo theksoi se një program i mirë për shqiptarët duhet të fokusohet në dy problematika: shpopullimi dhe kriminalizimi i ekonomisë.

“Të gjithë deputetët e PD do të flasin secili do të fokusohet në fushën që njeh më mirë. Do ketë diskutime politike të kryetarit. Programi nuk gjendet online, e kërkuam online dhe morëm broshura në dorë një libër 60 faqe, më bën përshtypje diçka që sa herë del kryeministri kur formon qeverinë e re programi në formën e strukturuar përmban zakonisht identifikimin e problemeve kryesore ekonomike e shoqërore të vendit dhe si t’i zgjidhë ato. Kur ta lexoni do ta ndjeni veten si Liza në botën e çudirave.

Debati më i madh dhe sfida kërcënuese e Shqipërisë është shpopullimi. Shpopullimi me këto ritme do ta çojë në gropë ekonominë shqiptare, do ta bëjë këtë vend të pajetueshëm. Nuk ka vend në botë që të arrijë rritje ekonomike duke e bërë këtë nëpërmjet uljes së popullatës. Ky nuk është vend që ka traditë në teknologji e  inovacion.

Çështja e dytë është kriminalizimi i ekonomisë së shoqërisë, depërtimi i krimit të organizuar përmes pastrimit të parave, blerja e aksioneve në kompani private, projektimi i grupeve shumë të fuqishme është thelbi i sigurisë publike. Unë nuk pres që Rama ta prekë këtë çështje se një pjesë të madhe të votave i ka nxjerrë nga ky partneritet por  diçka që e kërkon BE që këtu bëhet nami e pak flasin që ka të bëjë me pastrimin e parave. Dje euro u ul në 970 lek dhe ky është një lajmi tmerrshëm. Rama nuk guxon as ti cekë këto çështje. Dhe tre ku ka program pa mbështetjen për prodhimin vendas”,-tha Bozdo./CNA





Lajmet e fundit nga