web counter
LEXO PA REKLAMA!

SHKARKO APP

App Store
Google Play

E fundit!

x

A do të kandidojë për Bashkinë e Tiranës?/ Agron Shehaj e thotë hapur për CNA

17 Shtator 2025, 19:35, Politikë CNA

A do të kandidojë për Bashkinë e Tiranës?/ Agron Shehaj

Kreu i Partisë Mundësia, Agron Shehaj u shpreh sot lidhur me idenë e një kandidimi në garën për Bashkinë e Tiranës.

Në një prononcim për CNA, Shehaj deklaroi hapur se nuk mendon të kandidojë për të drejtuar bashkinë e kryeqyetit.

Shehaj u shpreh edhe lidhur me një angazhim të mundshëm në mbështetje të një kandidati nga partia e tij.

Kreu i Partisë Mundësia tha se qëndrimi i tij i vetëm është dalja me një kandidat të përbashkët për opozitën, me një figurë jopolitike e të pavarur, që të mund të qëndrojë përballë kandidates socialiste.

Pjesë nga komunikimi:

CNA: A keni menduar të kandidoni për Bashkinë e Tiranës?

Shehaj: Jo, nuk kam menduar.

CNA: A keni menduar të angazhoheni për të mbështetur një kandidat nga Partia Mundësia?

Shehaj: Unë kam vetëm një qëndrim në lidhje me këtë, që gjithë opozita, nëse do, të veprojë siç kam bërë edhe disa postime në rrjetet sociale. Mendimi im është që në gjendjen që jemi, ku Partia Socialiste dhe mazhoranca ka marrë pothuajse 49% para 3 muajsh. Plus ato të Tom Doshit. I bie pothuajse 52%. Ndërkohë që PD ka 32% të votave, flas për Bashkinë e Tiranës. Pastaj jemi ne me 6%, Lëvizja ‘Bashkë’ me 5%, Nisma ‘Shqipëria Bëhet’ me 3%. Në këto kushte, nëse PD del me një kandidat me 32% të votave, praktikisht rezultati dihet. E vetmja mundësi që kemi, është që të dalim me një kandidat të pavarur, që de facto bashkon opozitën, një emër të përbashkët. Një figurë jopolitike, e respektuar, që ka bërë diçka në jetë. Përndryshe, rezultati dihet. Nuk ka mundësi që rezultatet të jenë ndryshe në 3 muaj, nëse nuk ka ndryshuar asgjë./CNA





Lajmet e fundit nga