web counter
LEXO PA REKLAMA!

SHKARKO APP

App Store
Google Play

E fundit!

x

Seanca për vendimin e ndërmjetëm/ Kapri: Aspak rastësore, në shërbim të zyrtarëve të korruptuar

9 Prill 2026, 21:16, Politikë CNA

Seanca për vendimin e ndërmjetëm/ Kapri: Aspak rastësore,

Deputeti i Partisë Mundësia, Erald Kapri e cilësoi seancën e sotme të Kolegjeve të Bashkuara si aspak rastësore.

I ftuar në emisionin ‘Now’, Kapri theksoi se kjo mbledhje synonte thjesht ndryshimin e politikave të paraburgimit, që siç tha, i shërbejnë zyrtarëve të korruptuar të vendit.

Sipas Kaprit, është naivitet të besohet se seanca e sotme ishte rastësore, pasi një vendim i tillë nuk vjen nga keqardhja për qytetarët e thjeshtë.  

“E ngritëm shqetësimin në seancën plenare dhe çuditërisht Talant Balla u prek dhe tha se gjyqtarët do të mblidhen dhe do të vendosen në bazë të një praktike që ka ardhur nga Gjykata e Strasburgut, për të ndryshuar politikën e paraburgimit në Shqipëri. Ne reaguam aty dhe thamë se kjo është shumë e rëndë sepse kreu i mazhorancës paralajmëroi në parlament se çfar vendimi do të marrë Gjykata e Lartë. Pra, këtu, ka një prapavijë politike. Të mos jemi naivë! Si ka mundësi që krej rastësisht, 15 vite pa u mbledhur, që nga viti 2011, mblidhen tani dhe piërisht për një çështje që ka interes të madh për mazhorancën, që lidhet pikërisht me paraburgimin e zyrtarëve të vet të korruptuar. Kjo pra është! Sepse mazhorancës nuk i dhimbset për njerëzit e thjeshtë. Kjo mazhorancë, prej 12 vitesh, ka bërë një politikë penale represive”,-tha Kapri./CNA





Lajmet e fundit nga