web counter
LEXO PA REKLAMA!

SHKARKO APP

App Store
Google Play

Reforma Territoriale/ PD, udhëzim degëve për konsultimet në terren

9 Prill 2026, 16:35, Politikë CNA

Reforma Territoriale/ PD, udhëzim degëve për konsultimet në

Partia Demokratike ka shpërndarë një udhëzim për degët në rrethe me qëllim fillimin e konsultimit në terren përsa i përket reformës territoriale.

Sipas udhëzimit, strukturat e partisë do të organizojnë dëgjesa me komunitetet lokale ndërsa brenda datës 15 prill duhet të zhvillohen mbledhjet e kryesive në çdo degë për të diskutuar variantet e mundshme te reformës.

Ky udhëzim ka për objekt angazhimin e strukturave të Partisë Demokratike në bashkëpunim me ekspertët për hartimin e një ndarjeje territoriale.

Strukturat e Partisë Demokratike do të zhvillojnë dëgjesa me komunitetet vendore sipas një grafiku të caktuar nga Komisioni Parlamentar i Reformës Administrative-Territoriale. Në këtë kuadër, kërkohet angazhim dhe pjesëmarrje aktive nga degët e PD, përfshirë demokratë, këshilltarë vendorë dhe ekspertë nga radhët e opozitës.

UDHËZIMET: 

1.Të organizohet mbledhja e kryesisë së të gjitha degëve brenda datës 15 Prill;

2. Në këtë mbledhje të shqyrtohet dhe finalizohet varianti më i pranueshëm i ndarjes territoriale që i përket njësisë përkatëse vendore;

3. T’i jepet përgjigje pyetjeve të Anketës Politike të përcjellë tek ju lidhur me ndarjen e re të bashkive, funksionimin e këshillave bashkiake dhe të qarqeve, si dhe për njësitë administrative dhe administratorët;

4. Në këtë takim të thirren për konsultim edhe individë të zgjedhur, kryetarë e këshilltarë të njësive vendore të PD ndër vite;

5. Konkluzionet dhe raporti me shkrim të shoqërohen me pamje (foto) nga diskutimet në mbledhjet e kryesisë;

6. Data e raportimit do të jetë 20 Prill;

7. Për çdo takim do të informoheni nga Sekretariati Organizativ i PDSH;

8. Njoftime më të hollësishme dhe propozimet që do të keni, do t’i përcillni në sekretariatin e qeverisjes vendore të PD.  /CNA

Reforma Territoriale/ PD, udhëzim degëve për konsultimet nëReforma Territoriale/ PD, udhëzim degëve për konsultimet në





Lajmet e fundit nga