web counter
LEXO PA REKLAMA!

SHKARKO APP

App Store
Google Play

Noka-Ramës: Gënjen për nivelin e korrupsionit, nuk e kalon dot lumin me mufka

8 Prill 2026, 17:23, Politikë CNA

Noka-Ramës: Gënjen për nivelin e korrupsionit, nuk e kalon dot

Sekretari i Përgjithshëm i Partisë Demokratike, Flamur Noka ka reaguar sot me tone të ashpra ndaj kryeministri Edi Rama.

Përmes një postimi në rrjetet sociale, Noka shprehet se Rama shfaq një perceptim tjetër për korrupsionin në vend, nga sa është në realitet.

Sipas Nokës, me këto deklarata, Rama nuk e kalon dot lumin, duke e cilësusr si qesharak në atë që e përcakton si shenjën e fundit të regjimit të socialistëve.

“Narkosi nuk di më si të mbrohet

Një ditë tha se antikorrupsioni është një ilaç më i keq sesa vetë korrupsioni. Një deklaratë të tillë vetëm njëri në Zimbabve guxoi ta bënte.

Një ditë tjetër Edi Rama tha se korrupsioni në vend është më i madh në perceptim sesa në realitet. Domethënë, sipas tij, ju o miq keni ca shkëputje nga realiteti, prandaj gjërat ju duken më të mëdha seç janë. Përveç ekonomisë.

Ekonomia qenka rritur, por juve nuk e keni kuptuar që është rritur. Ku ishit ju kur u rrit ekonomia?

Për Edi Ramën korrupsioni nuk është rritur, sepse është rritur ekonomia dhe o njëra o tjetra do rritet.

Një deklaratë të tillë do e kishte zili edhe ai zotëria në Zimbabve. Ekonomistët e botës do shkulnin qimet e kokës po të dëgjonin të tilla teza.

Po nuk mund të prisni të dëgjoni nga Edi Rama ndonjë gjë të tjetër përveç mufkave që ai nxjerr nga goja. Se fundja nuk mund të presësh nga një i papërgjegjshëm të mbajë përgjegjësi për ato që thotë.

Çdo ditë, kryeministri këput ndonjë mufkë dhe mediat që ai sponsorizon ia përcjellin shqiptarëve si lajme të ditës.

Ky njeri është i pari i një ngrehine. Ai nuk po di më si të mbrojë veten prej skandaleve. AKSHI është përgjegjësi personale e tij. Kudo ku firmosi Bela, urdhëroi Rama. Në çdo aferë korruptive të ministrave të tij dhe kryebashkiakëve të tij, qëndron vetë ai. Edi Rama është sinonimi i korrupsionit sistemik, i trajtimit të shtetit dhe administratës si pronë private.

Edi Rama nuk e kalon dot lumin me mufka.

Lumë i thellë ky.

Të bërit qesharak në këto nivele është një shenjë e fundit të regjimit”,-shprehet Noka./CNA





Lajmet e fundit nga