web counter
LEXO PA REKLAMA!

SHKARKO APP

App Store
Google Play

“Rritje e hetimeve dhe metoda proaktive”/ Raporti i KE-së për Shqipërinë vlerëson SPAK-un

8 Korrik 2025, 19:11, Politikë CNA

“Rritje e hetimeve dhe metoda proaktive”/ Raporti i KE-së

Raporti për Shqipërinë i publikuar sot nga Komisioni Europian, në kapitullin mbi shtetin e së drejtës thekson rolin dhe punën e Prokurorisë së Posaçme (SPAK).

Ndër të tjera mbi punën e drejtësisë në aspekte të korrupsionit dhe të zbatimit të ligjit, në raport theksohet se SPAK ka rritur numrin e hetimeve dhe po përdor metoda proaktive.

Sipas raportit, vëtëm në periudhën 6-mujore korrik 2024 - janar 2025, u referuan 68 hetime proaktive.

“Drejtoria për Hetimin e Krimeve Ekonomike dhe Financiare në Policinë e Shtetit Shqiptar ka një Njësi përgjegjëse për Hetimin e Korrupsionit. Për më tepër, në çdo drejtori vendore, ka një specialist të emëruar në çdo Njësi për Hetimin e Krimeve Ekonomike dhe Financiare, detyra funksionale e të cilit është parandalimi dhe goditja e aktivitetit kriminal në fushën e korrupsionit.

Struktura në qendër bashkëpunon ngushtë dhe vazhdimisht me Zyrën e Prokurorisë së Posaçme Kundër Korrupsionit dhe Krimit të Organizuar, si dhe me Prokurorët e Juridiksionit të Përgjithshëm, në përputhje me kompetencën e tyre lëndore dhe territoriale.

Struktura që ushtron atributet e Policisë Gjyqësore është e pavarur nga struktura administrative e Policisë së Shtetit dhe ka detyrimin të përmbushë atributet sipas ligjit.

Statistikat për periudhën korrik 2024 - janar 2025, krahasuar me të njëjtën periudhë të vitit të kaluar, tregojnë një rritje të hetimeve proaktive nga Njësia për Hetimin e Korrupsionit, ku në shumicën e rasteve janë aplikuar metoda të veçanta proaktive, siç janë përgjimet telefonike, vëzhgimet, përgjimet mjedisore të miratuara me vendime gjyqësore ose të autorizuara nga prokurorët përkatës.

Për periudhën korrik 2024 - janar 2025, 68 hetime proaktive iu referuan Drejtorisë për Hetimin e Krimeve Ekonomike dhe Financiare. Krahasuar me korrik 2023 -janar 2024, ka 56 hetime proaktive të referuara”,-theksohet në raport./CNA





Lajmet e fundit nga