web counter
LEXO PA REKLAMA!

SHKARKO APP

App Store
Google Play

E fundit!

x

Aksioni për lirimin e hapësirave publike/ Teliti: I vonuar, Rama i përdori bizneset gjatë fushatës

8 Korrik 2025, 10:22, Politikë CNA

Aksioni për lirimin e hapësirave publike/ Teliti: I vonuar, Rama i

Eksperti i Ekonomisë, Dorjan Teliti, ka komentuar aksionin për lirimin e hapësirave publike.

Sipas Telitit, ky aksion po bëhet në mënyrë të përzgjedhur dhe të vonuar dhe pas zgjedhjeve të 11 majit.

Ai theksoi se gjatë fushatave objekteve të cilat sot po u thuhet të lirojnë hapësirat publike përdoreshin nga mazhoranca.

“Nëse janë me leje do të thotë që janë brenda kushteve teknike. Nëse janë brenda kushteve teknike do të thotë që një inxhinier apo një specialist i bashkisë përkatëse e ka autorizuar praktikisht lidhjen e asaj strukture. Në momentin që është me leje, çdo lloj ndërhyrje është antiligjore dhe është totalisht në shkelje të ligjit. Ama ka dhe një pjesë tjetër që janë ndërhyrjet në sensin abuziv, ose ndërhyrjet që kanë marrë leje për 10-15 metra katrorë, por e kanë bërë 25 metra katrorë. E kanë zgjeruar më tepër seç duhet.

Nga njëra anë, po ta marrësh qeveria ka të drejtë, është bashkia në këtë rast. Nëse bashkitë janë bërë tashmë departamente pranë kryeministrisë dhe kryebashkiaku i gjthë Shqipërisë, dihet se kush është, pra është vetë kryeministri Edi Rama dhe gjithashtu po luan rolin e kryebashkiakut të Tiranës dhe Vlorës. Nesër do të luajë të Korçës, pasnesër të Fierit e kështu me radhë.

Normalisht duhet bërë ndërhyrja për të zbatuar ligjin. Problematika është se si arritëm në këtë pikë ne. Nuk është një fenomen që na ndodh për herë të parë, është një fenomen dhe një ngjarje që pas çdo zgjedhje gjithmonë kujtohet qeveria për ligjshmërinë e territorit edhe thotë: E kam territorin nën kontroll apo jo?

Edhe ndodh që deri në atë datë, deri në datën e zgjedhjeve, e ka lënë atë në gjendje të lirë të bëjë ç'të dojë. Po të hapë rrjetet sociale të kandidatëve të Partisë Socialiste në zgjedhje, shikoni që janë këto lokale që sot po prishen që bëheshin takimet prej tyre. Ishin po në këto lokale që lavdëronin biznesin, ku thoshin bravo bizneset kanë bërë investime”, tha Teliti./ CNA





Lajmet e fundit nga