web counter
LEXO PA REKLAMA!

SHKARKO APP

App Store
Google Play

Fundo: Aksioni i Ramës në disa zona në vend është propagandë para zgjedhjeve lokale

8 Korrik 2025, 18:08, Politikë CNA

Fundo: Aksioni i Ramës në disa zona në vend është

Gazetari Elvi Fundo tha sot se aksioni i Ramës në disa zona të vendit është më tepër një propagandë para zgjedhjeve lokale, duke u nisur nga mendimi se problematikat atje mund t’i kthehen si bumerang në qeverisje.

“Ndoshta edhe u derdh kupa, pasi e pa punën pas zgjedhjeve. Ndoshta problematikat i kthehen si bumerang në qeverisje. Mendoj se është propagandë e përzier me pak punë. Të shfaqet politikisht si njeri që bën punë, derisa të shpallë zgjedhjet në këto bashki dhe atje ka korrupsion,  problemet janë prej vitesh. Del e flet për pronat publike, por më publike se inceneratorët nuk ka. Ndaj them se e shoh si propagandë strategjie për zgjedhjet lokale. Përgjegjësit duhet të shkojnë para drejtësisë”,-tha Fundo.

Në një intervistë në ‘Syri Tv’, Fundo u shpreh se problemi me hapësirat publike tregon qartazi një dështim të bashkive dhe reformës administrative.

Fundo tha se problemi më i madh në këtë rast është administrimi lokal.

“Rama e ka ngritur edhe më parë kontrollin e hapësirave publike në këto 25 vite. Kjo tregon dështim total të bashkive dhe reformës administrative, që nuk u bë siç duhet, as me rekomandimet e opozitës. Korrupsioni ka fryrë admimistratën dhe duhen dërguar para ligjit. Besoj se kuçedra është keqadministrimi total. Në Vlorë ankohen se nuk kanë ujë gjatë verës. Dhe kur thonë që fajin e ka ministria, kjo është papërgjeshmëri totale. Udhëheqësi nxehjen e ka me drejtuesit e bashkive. Sot është kryetar i bashkisë së madhe që quhet Shqipëri”,-u shpreh Fundo./CNA  





Lajmet e fundit nga