web counter
LEXO PA REKLAMA!

SHKARKO APP

App Store
Google Play

Rama në Bordin e Paqes/ Këlliçi: Shkoi kreu i një narkoshteti, nuk ka ndryshuar asgjë

20 Shkurt 2026, 17:16, Politikë CNA

Rama në Bordin e Paqes/ Këlliçi: Shkoi kreu i një

Deputeti demokrat, Belind Këlliçi komentoi sot pjesëmarrjen e kryeministrit Edi Rama në mbledhjen e parë të Bordit të Paqes në Uashington.

I ftuar në “Syri Tv”, Këlliçi u shpreh se në mbledhje nuk shkoi një kryeministër, por kreu i një narkoshteti.

Sipas demokratit, Shqipëria sot krahasohet gjerësisht në kongresin amerikan dhe në politikën amerikane si Meksika e Europës.

“Në Bordin e Paqes shkoi kreu i një narkoshteti. Shqipëria sot krahasohet gjerësisht në kongresin amerikan dhe në politikën amerikane si Meksika e Europës dhe Edi Rama shkoi si arkitekti i këtij shteti dhe u kthye po si arkitekti i këtij shteti. Edi Rama nuk ka ndryshuar asgjë në raport me marrëdhëniet e tij me Shtetet e Bashkuara të Amerikës. Ju keni nga muaji shtator dhe është fakt që nga muaji shtator i vitit të kaluar e deri më sot që ne flasim, janë 19 qëndrime publike të ambasadës së Shteteve të Bashkuara në Tiranë që praktikisht, teorikisht dhe konkretisht përcjell frymën zyrtare të SHBA-ve në Shqipëri, të cilat flasin vetëm për intensifikim të luftës dhe karteleve, luftën ndaj korrupsionit, heqjen dorë nga intimidimi i institucioneve të drejtësisë, pra për një gjyqësor të pavarur dhe që kërkojnë ë nxitjen e qeverisë për të luftuar krimin e organizuar dhe rryshfetin në në Shqipëri.

Këto janë prioritetet që ka administrata Trump dhe administrata e Shteteve të Bashkuara të Amerikës në raport me vendet e saj partnere. Shtuar këtu dhe shkëmbimet ekonomike. Tani është fakt që në Shqipëri sot, investitor strategjik është karteli i Sinaloa-s dhe nuk është ndonjë kompani amerikane. Fakt është që kompanitë amerikane sot janë përzënë nga Shqipëria sepse të gjitha marrëveshjet tregtare, të gjitha ligjet jepen me porosi për klientelën e kryeministrit që nuk ka të bëjë më me biznesmen, por ka të bëjë me grupet e narkotrafikut, të cilët kërkojnë të injektojnë paratë e fituara përmes trafikut të drogës, kryesisht me kartelet e Amerikës së Jugut dhe Amerikës Latine për t'i investuar në sektorin e ndërtimit dhe turizmit në Shqipëri. Dhe këtë e ka bërë Edi Rama, nuk e ka, nuk e ka bërë njeri tjetër.

Dhe këto rekorde janë pikërisht ato rekorde të cilat ja pamundësuan Edi Ramës të fliste dje në bordin e paqes, qoftë edhe një gërmë të vetme për Shqipërinë dhe me një taktikë populiste, që kam frikë se edhe mund t'i ketë dëmtuar krerët e UÇK-së që janë në gjykim në Hagë, tentoi të përdorte procesin e hapur ndaj drejtuesve të UÇK-së në Hagë, që tërësisht bashkohem me çdo shqiptar tek pafajësia e tyre dhe pa diskutim unë mendoj që çdo shqiptar mbi rruzullin tokësor do të duhet të kërkojë dhe do të duhet të jetë dakord që të katërt drejtuesit e ushtrisë çlirimtare të Kosovës janë të pafajshëm dhe duhet të lirohen menjëherë dhe nuk kanë kryer asnjë krim, por nuk mundet ti të përdorësh këtë çështje për të kapitalizuar politikisht në mes të Ëashingtonit në një samit të bordit të paqes, që sigurisht ato 20 shtete që folën, po ta kishin përdorur për politikë të brendshme, secila do kishte një arsye për të diskutuar apo për të folur për një problematikë madhore të tyre brenda shteteve”,-tha Këlliçi./CNA





Lajmet e fundit nga