web counter
LEXO PA REKLAMA!

SHKARKO APP

E fundit!

x

“Ministrja e monopatinave” akuza opozitës: Po përdorin të miturit në protestë

20 Shkurt 2026, 12:57, Politikë CNA

“Ministrja e monopatinave” akuza opozitës: Po përdorin

Albana Koçiu, ose siç njihet ndryshe “ministrja e monopatinave”, ka folur në një konferencë për shtyp për protestën e opozitës.

Ajo u shpreh se çdo akt dhune është i dënueshëm dhe u drejtohte qytetarëve dhe organizatorëve të protestës së opozitës të distancohen nga çdo akt i tillë.

Koçiu po ashtu hodhi akuza se opozita po përdor të miturit për të kryer akte të turpshme dhune.

“Çdo akt dhune është i dënueshëm. Nga çdo akt dhune duhet të distancohemi. Uroj të mos kemi akte të trupshme si ato që dëshmuan me dhunën ndaj policisë së shtetit, nuk është kjo mënyra për të protestuar. Jemi pro protestës paqësore, por jo ndaj dhunës.

Dhe një tjetër shqetësim, të shmangin përdorimin e të miturve në protestë. I përdorin të miturit për të kryer akte të turpshme dhe të dënueshme. Është një nga gjërat më të poshtra përdorimi i të miturve për akte të dhunshme në protestë”, tha Koçiu./ CNA





Lajmet e fundit nga