web counter
LEXO PA REKLAMA!

SHKARKO APP

App Store
Google Play

"LaCivita duhet t’i kthejë opozitës milionat e eurove"/ Spahiu: Nuk ndaloi shkuarjen e Ramës në SHBA

20 Shkurt 2026, 09:58, Politikë CNA

"LaCivita duhet t’i kthejë opozitës milionat e

Juristi Kreshnik Spahiu ka folur për protestën e opozitës duke thënë se nuk është e aftë të aktivizojë gjithë popullin në protestë, të fusë në grevë universitetet, shkollat, bashkitë, administratat, portet, aeroportet etj.

Në një intervistë për mediat, Spahiu tha se në protestat e opozitës përdoret dhuna fizike, jo mjete të dhunshme.

“Nesër kemi një protestë. Unë kam katër argumente për protestën, nuk jam kundër protestave të dhunshme, por kjo nuk është protestë popullore. Në gjithë botën ka protesta të dhunshme kur bën populli, në mënyrë masive. Opozita është e paaftë që të ngrejë gjithë popullin, të fusë në grevë universitetet, shkollat, bashkitë, administratat, portet, aeroportet, këtë nuk e bën dot. PD mbush disa autobusë, paguan sanduiçët që të vijnë rrugës. E treta, janë të papërgatitur edhe këta që thërrasin, përdorin dhunë fizike, jo mjete të dhunshme. Nuk shoh njerëz që përleshen me policinë me grushte, janë 20 veta me maska, që hedhin nga larg shishe me benzinë. Kjo tregon që nuk ke njerëz të përgatitur, që të jenë të gatshëm, që për urrejtjen që kanë për këtë pushtet, të përplasen dhe të sakrifikojnë. E katërta, në asnjë vend të botës, një protestë e dhunshme nuk bëhet gjatë fjalimit. Kjo është e papranueshme, kjo është dhunë e organizuar”, tha Spahiu.

Ndër të tjera, Spahiu foli për vizitën e Ramës në Uashington, duke i kujtuar opozitës se këshilltari LaCivita duhet t'u kthejë milionat e eurove pasi nuk e arriti dot kauzën për të ndaluar që Rama të shkonte në SHBA.

“I bie që nesër këta t’i kërkojnë paratë mbrapsht LaCivita-s, paguan miliona euro për të izoluar Edi Ramën për të mos shkuar në Uashington, këtyre u ra kauza. LaCivita i bie të kthejë paratë mbrapsht", deklaroi Spahiu./ CNA





Lajmet e fundit nga