web counter
LEXO PA REKLAMA!

SHKARKO APP

App Store
Google Play

E fundit!

x

Açka sulmon Gazment Bardhin/ Kompania e Bretkosave dhe Bretkëve të Paditur të Parlamentit shqiptar

20 Shkurt 2026, 13:49, Politikë CNA

Açka sulmon Gazment Bardhin/ Kompania e Bretkosave dhe Bretkëve

Ish-deputetja Flutura Açka ka komentuar debatet që u kthyen në viralitet gjatë seancës së djeshme parlamentare mes Zegjine Çaushit dhe Gazment Bardhit.

Açka tha se Gaz Bardhi ka mbetur si bretk në mes të bretkosave dhe e meriton në debat Zegjine Çaushin.

Ajo ka shprehur keqardhjen  për grupin parlamentar ndërsa thekson se në nivelin që e kanë katandisur politikën shqiptare, nuk është më asgjë më tepër se një kartab*thje e shoqërisë shqiptare.

"Kompania e Bretkosave dhe Bretkëve të Paditur të Parlamentit shqiptar

- Kur kalove pranë pensionistëve në Rroskovec, - i tha Zegjineja, Gazit, - ata nuk indinjuan të kthenin kokën për ty.

Zegjine, deshe të thuash: Nuk denjuan?

Në fakt, është e dhimbshme katandisja e debatit në këtë Parlament. Por, ngaqë Gazi u shkri gazit, duket sikur u barabitën. Sigurisht, me bufonë e shtyn më mirë!

Kujtoj egërsinë ndaj meje dhe sjelljen tipike fashiste, deri në përjashtimin pa një njoftim a një SMS nga drejtimi i KPEMIP, në formën më brutale të mundshme e në bashkëpunim të plotë me Lindita Nikollën e PS-së.

Bretk në mes të bretkosave tani! Zegjinenë e ke hak, miku im, se u epe, u dhe, iu dorëzove bretkosave dhe zhabëve: Amnistia Penale, Kodi Zgjedhor 27 korrik 2024, Avokati i Popullit, Butrinti, Paketa e Maleve. Ka shumë! Pa le, marshimi triumfator - pasi i preve në besë miqtë e skalionit reformator të PD-së - drejt Rithemelimit!

Po të mos ishe epur, sot do të ishte një Parlament zotërinjsh, e ti do të kishe edhe vetë më shumë rybe e zotnillëk. Se kështu shkon kjo punë: Më thuaj me kë rri, të të them kush je!

Tani as Zegjineja nuk indinjon - denjon - të kursehet pak me të latyrisë me padijen e saj. Kujtoj kujdesin reciprok në fjalë që kishim në 2021, dhe kam keqardhje për katandisjen e Grupit Parlamentar!

Nuk thotë kot populli: Më mirë rrihu me një të mençur, vëlla, se të puthesh me një budalla!

Këto që po i shkruaj, i kam me humor, se nuk ma ndien fare për Parlamentin, dhe jam e bindur se në nivelin që e keni katandisur ju politikën shqiptare, nuk është më asgjë më tepër se një kartabythje e shoqërisë shqiptare", shkruan Açka./ CNA





Lajmet e fundit nga