web counter
LEXO PA REKLAMA!

SHKARKO APP

App Store
Google Play

Rama, kritika për Dredhën dhe Bashkinë e Vlorës: I kanë sytë gjysmë të hapur

11 Korrik 2025, 10:17, Politikë CNA

Rama, kritika për Dredhën dhe Bashkinë e Vlorës: I kanë

Në mbledhjen me kryetarët e bashkive, Kryeministri Edi Rama ka shprehur kritika për Ermal Dredhën, kreun e Bashkisë së Vlorës dhe strukturat duke thënë se përballë problematikave të qytetit i mbajnë sytë gjysmë të hapur dhe gjysmë të mbyllur.

"Na ngarkojnë me një barrë shumë më të madhe se ajo që kemi pasur, pasi janë një kredi besimi të madh dhe nga ana tjetër janë dhe një test i jashtëzakonshëm i karakterit tonë.

Para se të fillojmë me pikat e temave të ditës së sotme dua të bëj një adresim të përgjithshëm të disa problematikave kyçe që fatkeqësisht karakterizojnë sot qytetet e mëdha dhe qytete me një ngarkesë të posaçme të fluksit turistik të Shqipërisë ku dobësia e pushtetit vendor ka dalë në pah edhe si rezultat i një ndryshimi shumë të madh të të gjithë mënyrës së funksionimit të vendit për shkak të faktit se vendi tanimë nuk mban vetëm banorët e vet, por mban dhe një ngarkesë ekstra turistësh dhe vizitorësh që vijonë në rritje dhe sjell me vete sfida të reja të komplikuara dhe ngarkesa të mëdha ekstra për pushtetin vendor posaçërisht në territorin ku përqendrimet e turistëve janë të mëdha. Një nga gjërat që vihet re është nxitja e brendshme e biznesit për të kapërcyer e paravendosur veprimtarinë e vet në formën e daljes së tyre dhe zaptimeve të territorit, gjithashtu dhe të ndërtimeve pa leje në territorin ku vëmendja është më e vogël apo si në Vlorë ku kryetari i bashkisë dhe struktura i kanë sytë gjysmë të hapur dhe gjysmë të mbyllur", tha Rama./ CNA





Lajmet e fundit nga