web counter
LEXO PA REKLAMA!

SHKARKO APP

App Store
Google Play

Konferenca në Romë/ Rama: Shqipëria përkrah aleatëve në luftën e Ukrainës

10 Korrik 2025, 17:36, Politikë CNA

Konferenca në Romë/ Rama: Shqipëria përkrah aleatëve

Kryeministri Edi Rama mori pjesë sot në Konferencën për Rimëkëmbjen e Ukrainës. Konferenca u mbajt këtë të enjte në Romë.

Në fjalën e tij, Rama shprehu gadishmërinë e vendit në luftën e Ukrainës dhe se në këtë drejtim Shqipëria është përkrah aleatëve europianë. 

“Shqipëria është një vend shumë i vogël me burime modeste, nuk ka fuqi të ndryshojë shumë në fushëbetejë, por ne kemi qenë e do të jemi bashkë me Italinë dhe partnerët evropianë, kurdo e kudo që Ukraina do që ne të jemi.

Megjithatë dua të ndaj me ju në këtë qytet që ndërkohë që mbështesim Ukrainën të luftojë dhe të rindërtohet, duhet të bëjmë maksimumin që të mos ta lëmë paqen në rreshtin e dytë të mendimeve tona. Nuk duhet ta lëmë fjalën paqe të ndajë më tej shtetet tona demokratike.


Nuk duhet të lëmë askënd jashtë kufijve të Evropës demokratike të na japë leksione ne, Komunitetit Evropian, se çfarë është paqja dhe si tingëllon kjo paqe. Ne nuk jemi komunitet luftënxitës dhe Ukraina nuk është as agresori, as autori i kësaj lufte të përgjakshme në dyert e Evropës.

Të flasësh për paqen nuk e ndal luftën, as nuk e bën Vladimir Putinin një paqedashës. Ndërkohë që bëjmë të gjitha gjërat e duhura për të mos e lënë në baltë Ukrainën, nuk do të jemi të fortë mjaftueshëm për t’i dhënë fund kësaj lufte nëse nuk kemi planin kurajoz për paqe”,-tha Rama./CNA





Lajmet e fundit nga