web counter
LEXO PA REKLAMA!

SHKARKO APP

App Store
Google Play

E fundit!

x

Rama, i bindur për lobimin e Bashës/ I sigurt që janë para ruse, media të investigojë

22 Shtator 2022, 21:53, Politikë CNA
Rama, i bindur për lobimin e Bashës/ I sigurt që janë para
Kryeministri Edi Rama

Kryeministri Edi Rama ka folur mbrëmjen e sotme për çështjen e lobimit rus të Partisë Demokratike në 2017-ën, kohë kur e djathta drejtohej nga Lulzim Basha.

Rama tha në emisionin “Opinion” se kjo çështje nuk duhet të kalojë duke përqeshur socialistët apo duke fajësuar George Sorosin.

"Është një çështje që nuk mund të kalojë duke përqeshur Taulant Ballën, Elisa Spiropalin apo PS-në, apo duke ia lënë Sorosit siç ia lënë gjithmonë.

Kjo është një çështje e cila duhet zbardhur deri në fund nga drejtësia, apo çështje për të cilën media duhet të hyjë dhe të bëjë investigim të thellë”, u shpreh ai.

I pyetur nëse ka kërkuar informacion nga autoritetet amerikane në lidhje me lobimet ruse, kryeministri deklaroi se SHBA nuk funksionon në këtë mënyrë.

Kreu i qeverisë deklaroi me bindje se paratë e lobimit kanë qenë para ruse.

“Nuk ka nevojë të kërkojmë se e para nuk funskionon kështu SHBA.

E dyta, ka emra, mbiemra, para. Ne e kemi thënë, ato kanë qenë fakte të nxjerra në media nga gazetarë investigativë të huaj që nuk kanë asnjë lidhje me interesat politikë apo me Sorosin.

Është fakt që ata janë para ruse. Është financim rus”, theksoi Rama./ B.A. – CNA.al





Lajmet e fundit nga