LEXO PA REKLAMA!

SHKARKO APP

“Basha nuk ka lobuar i vetëm”/ Këlliçi: Të përfshirët të distancohen nga PD-ja

22 Shtator 2022, 20:25, Politikë CNA
“Basha nuk ka lobuar i vetëm”/ Këlliçi: Të
Deputeti demokrat Belind Këlliçi

Deputeti demokrat, Belind Këlliçi, ka folur për skandalin me lobimin rus.

I ftuar në emsionin "Debat" në "A2CNN", Këlliçi e ka cilësuar këtë si një çështje personale të ish-kryetarit Lulzim Basha.

Deputeti thekson se në bazë të asaj çka është publikuar në media, kontratat janë firmosur nga ai dhe për këtë do të ishte mirë që vetë Basha të bënte transparencë.

Këlliçi mendon se Basha nuk mund të ketë qenë i vetëm në këtë çështje, ndërsa shton se kushdo të jetë i përfshirë duhet të distancohet nga PD-ja.

Ndër të tjera, Këlliçi ka theksuar edhe një herë faktin se pas këtij episodi Basha nuk mundet të shkojë në SHBA, edhe pse ka marrë ftesë nga diplomatë amerikanë.

"Kjo çështje ka qenë personale e zotit Basha. Meqë kam parë dokumentet, kontratat janë firmosur nga ai, me firmën e tij.

Logjika ta thotë që nuk mund të ketë qenë i vetëm. Kushdo që ka qenë i përfshirë të bëjë transparencë dhe të distancohet nga PD-ja, se PD-ja s'ka lidhje me paratë ruse. Nuk po vë gishtin, por do ishte mirë të bëhet transparencë për këtë çështje.

Pas këtij episodi nuk ka udhëtuar më drejt SHBA-së dhe me mbështetjen që ka marrë nga diplomatët në Tiranë e ka ftuar publikisht edhe Escobar në SHBA dhe nuk di të ketë shkuar dhe nuk shkon dot në dijeninë time. Arsyen pse duhet të bëjë ai publike dhe ta thotë ai", tha Këlliçi./ CNA.al

 

Lajmet e fundit nga