web counter
LEXO PA REKLAMA!

SHKARKO APP

App Store
Google Play

E fundit!

x

Rama hedh poshtë pretendimet/ Prishjet e objekteve në Theth nuk kanë lidhje me oligarkët apo resortet

14 Korrik 2025, 08:55, Politikë CNA

Rama hedh poshtë pretendimet/ Prishjet e objekteve në Theth nuk

Kryeministri Edi Rama ka folur për prishjen e objekteve pa leje në Theth duke hedhur poshtë pretendimet se e gjithë kjo po bëhet për të lejuar oligarkët të ndërtojnë resorte.

Sipas Ramës të gjitha teoritë lidhur me operacionin janë për të ardhur keq, janë të bazuara në dezinformim. 

"U habita si një njeri i zotit kishte hyrë në histori duke folur për joshje dhe rrena. Ne nuk kemi prerë në besë askënd. Kemi shkuar në Theth me kryetarin e bashkisë, Agjencinë e Kadastrës, kemi premtuar legalizimin e shtëpive të vjetra në Theth, që ishte problemi kryesor i tyre, ne kemi përmbyllur me rreth 300 legalizime.

Premtimi ynë ka qenë të legalizojnë pronën. Premtimi ynë nuk ka qenë na jepni votën dhe ndërtoni pa leje. Të gjitha ndërtimet që janë prishur deri në gurin e fundit janë ndërtime të bëra në muajin e fundit dhe jo të kohës që kemi qenë aty. Ka pasur një turravrap të madh jo vetëm nga disa banorë, por dhe individë që nuk kanë lidhje me Thethin që janë ngjitur atje për të ndërtuar. Ajo është një zonë e mbrojtur ku ndryshe nga çfarë dëgjoj që predikohet se po u hapim rrugë oligarkëve aty nuk bëhet fjalë për të lejuar ndërtime dhe për të bërë resorte turistike. Është jashtë çdo lloj opsioni. Të gjitha teoritë lidhur me operacionin janë për të ardhur keq, janë të bazuara në dezinformim. Ata janë një grusht njerëzish që nuk kanë lidhje me këtë histori dhe banorët e Thethit.

Në mbështesim njerëzit, por duhet të marrin leje", tha Kryeministri Rama në mbledhje me deputetë dhe drejtues qarqesh./ CNA





Lajmet e fundit nga