web counter
LEXO PA REKLAMA!

SHKARKO APP

App Store
Google Play

“Shteti ka lejuar këtë lloj fenomeni”/ Teliti: Ndërtimet pa leje po trajtohen me dy standarde

13 Korrik 2025, 19:14, Politikë CNA

“Shteti ka lejuar këtë lloj fenomeni”/ Teliti:

Nënkryetari i Këshillit Bashkiak të PD-së në Tiranë, Dorjan Teliti komentoi sot lidhur me shembjen e ndërtimeve pa leje që ka nisur në vend.

Në një intervistë në ‘Syri Tv’, Teliti u shpreh se në ndërtimet pa leje në Shqipëri po trajtohen me dy standarde.

Teliti akuzoi qeverinë se ka lejuar që ky fenomen të ndodhë.

“Dy-tre vitet më parë, kur u konstatuan pallate mbi pallate pa leje, ku u konstatuan pallate të tëra pa leje. Ata nuk morën fadromat, nuk i hodhën naftë fadromave, nuk vunë Fatmir Metën me shokë që të shkonin të shanin njerëzit nga ropt e shtëpisë. Ata i thanë: vishni kollaren, xhaketën, parfumosuni dhe hajde ulemi në krah të atij dhe negociomë të gjejmë një rrugë të mesme.

U ulën, bënë trativën, dolën dhe aktet nënligjore, u bënë edhe VKM-të përkatëse dhe u gjet gjuha. Edhe ata që kishin shkelur ligjin paguan, dikush më shumë, dikush një çmim më të lartë. Nuk i pamë as fadromat, as të fortët, as ofendimet, u trajtuan si zotni këta shkelësit e ligjit të fortit. Madje të pasnesërmen përfituan edhe tendera të tjerë publikë.

Sot te njerëzit e thjeshtë shkon policia bashkiake. Kjo gjë është lejuar dhe është futur në normalitet, ndonëse s’ka pasur atë letrën për lejen e ndërtimit. Shteti ka lejuar këtë lloj fenomeni, nuk mund të kalosh një ditë të bukur se të vjen dëshira ty për të bërë masa të tilla, siç po ndodh në Tiranë dhe në Theth”,-u shpreh Teliti./CNA





Lajmet e fundit nga