web counter
LEXO PA REKLAMA!

SHKARKO APP

App Store
Google Play

E fundit!

x

Rama, mesazh kryebashkiakëve: Roli i institucioneve ka rëndësi për integrimin europian

11 Korrik 2025, 21:20, Politikë CNA

Rama, mesazh kryebashkiakëve: Roli i institucioneve ka rëndësi

Kryeministri Edi Rama, veç diskutimeve të rastit në takimin e sotëm me kryebashkiakët e vendit, u ndal edhe te procesi integrues i Shqipërisë në BE.

Në fjalën e tij, Rama theksoi se roli i bashkive është shumë i rëndësishëm, si një bërthamë e vogël e qeverisjes, teksa vendi vijon hapat drejt anëtarësimit.

Rama u kujtoi kryebashkiakëve se duhet të kujdesen për anën përmbajtësore të bashkëjetesës publike dhe të garantojnë marrëdhënien themelore mes qytetarëve dhe institucioneve.

“Është shumë e rëndësishme që të gjitha ato që kemi folur gjate ditës që lidhen me një sërë standardesh, marrëdhëniesh me qytetarët, qeverisjes, të afrohen sa më shumë dhe shpejt, me atë që quhet si mesatare për një vend si yni për në Evropë.

Është shumë e rëndësishme që në Bashki të ketë një bërthamë sado të vogël, që të jenë në funksion të Bashkisë, sepse duhet filluar edhe në aspektin e brendshëm të adaptohen të gjitha nivelet me këtë proces, ku dhe këshillat bashkiak janë pjesë e pandalshme.

Kemi kaluar nga faza kur donim të afrohemi në BE, në fazën kur e kemi derën hapur, dhe duhet të provojmë se jemi veshur mirë, jemi stërvitur mirë, jemi të edukuar mirë, dhe jemi të denjë për t’u ulur në atë tryezë.

Kur themi të veshur mirë, e kam për atë që thashë sot, për dukjen jo sipërfaqësore, por përmbajtjesore të bashkëjetesës në hapësirën publike, që është një gjë themelore edhe kapacitetet për të garantuar këto marrëdhënie mes institucioneve dhe qytetarëve”,-tha Rama./CNA

 

 

 

 

 

 





Lajmet e fundit nga