web counter
LEXO PA REKLAMA!

SHKARKO APP

App Store
Google Play

Rama për legalizimet: Do t’i mbyllim përfundimisht brenda mandatit të katërt

11 Korrik 2025, 15:51, Politikë CNA

Rama për legalizimet: Do t’i mbyllim përfundimisht brenda

Gjatë një takimi të zhvilluar sot me kryebashkiakët e vendit, kryeministri Edi Rama u ndal edhe te çështja e legalizimeve.

Në fjalën e tij, Rama theksoi synimin për mbylljen e këtij procesi brenda mandatit të katërt.

 “Njeriu që i rri mbi kokë punës, kësaj pune s’i ka ndejt mbi kokë, legalizimet duhet të mbyllen, do t’i mbyllim brenda mandatit të katërt. Duhet të marrim përfundimisht legalizimet, s’ka më proces. Pronë që kthehet në pallat. Duhet të shmangim gjelat në prokurori dhe gjykata që bëjnë lojërat më të çuditshmet, nga IMT, IKMT, policia bashkiake që e ka këtë shtesën me leje po është vetë pa leje. S’mund të jetë që taksat e shqiptarëve të paguajnë pastrimin e llozhave, s’mund të kesh një ndërtim dhe të bësh shtesë pa leje, shembjen, pastrimin duhet ta bëjë shteti, kush bën pa leje shtesë mbi shtesë duhet të paguajë shumë shtrenjtë, atyre që merren me ndërtime po u them të mos i marrin më qafë administratorët e kantiereve. Goditje për të mëdhenjtë, kufizim për të vegjlit. Atyre në fshat për një avlli u shfaqet polici në derë, kurse për ata që fitojnë miliona s’ka polici, gjykatë jo. Kjo do të vijojë siç ka filluar”,-tha Rama./CNA





Lajmet e fundit nga