web counter
LEXO PA REKLAMA!

SHKARKO APP

App Store
Google Play

E fundit!

x

PS fitoi 83 mandate/ Peleshi: Sfida kryesore është të shmangësh arrogancën e numrave

15 Korrik 2025, 17:17, Politikë CNA

PS fitoi 83 mandate/ Peleshi: Sfida kryesore është të

Kreu i grupit parlamentar të Partisë Socialiste, Niko Peleshi tha sot se sfida kryesore e PS-së pas marrjes së 83 mandateve në Kuvend nga zgjedhjet e 11 majit është shmangia e arrogancës së numrave.

Në një intervistë për A2CNN, Peleshi tha se në sesionin e ri parlamentar uron që të krijohet konsensus edhe nga opozita, për ndryshime të nevojshmë ligjore.

Sipas Peleshit, synimi kryesor mbetet agjenda për ëndrrën europiane.

“Numrat e shumtë, 83 afër shumicës të cilësuar, të jep një siguri, por sfida kryesore si të shmangesh arrogancën e numrave. Ai është një rrezik që qëndron gjithmonë pranë nesh, kur e di se ke numrat për të miratuar edhe ligje që s’ta bënë të nevojshme t’i shtrish dorën opozitës. Unë do të uroja që ne duhet të synojmë të kemi konsesus edhe nga opozita për ndryshimet e kodeve zgjedhore apo kodeve të tjera. Ne do të synojmë që të kemi sa më shumë konsensus nga radhët e opozitës, kjo është e rëndësishme, por nuk është më e rëndësishme se sa mbajtja e ritmit të anëtarësimit, që do të thotë nëse nuk ka vullnet politik, nëse nuk ka bashkëpunim dhe nëse ne i kemi numrat, e thënë në mënyrë popullore, ne do të ecim përpara se nuk mund ta komprometojmë procesin e integrimit europian për shkak të agjendës së opozitës. Së pari përulemi përpara ëndrrës europiane. Është një sfidë se kjo punë kërkon edhe eksperiencë, por lajmi i mirë është se të gjithë janë profesionisht. Kanë fituar absolutisht me meritë, nuk merr dot mbështetje popullore nëse nuk e meriton. Të gjithë të tjerat janë politikë, akuza, janë tym. Është krijuar një konotacion negativ për politikanët, duhet të gëlltitesh një gotë helmi para se të hysh në politikë në Shqipëri dhe jo vetëm”,-tha Peleshi./CNA





Lajmet e fundit nga