web counter
LEXO PA REKLAMA!

SHKARKO APP

App Store
Google Play

E fundit!

x

“Rama bleu votat me skemat në bujqësi”/ Berisha: Si u përdor fondi 250 milionë euro për kreditë e buta

15 Korrik 2025, 14:01, Politikë CNA

“Rama bleu votat me skemat në bujqësi”/ Berisha: Si u

Kreu i PD-së, Sali Berisha, ka bërë denoncimin e fortë, duke hedhur akuza ndaj qeverisë.

Në një deklaratë për mediat Berisha u shpreh se kryeministri Edi Rama ka përdorur të gjitha llojet e krimeve elektorale të padëgjuara më parë në zgjedhjet e 11 majit.

Lideri i opozitës akuzoi Ramën se ka blerë votat përmes skemave të bujqësisë.

Berisha denoncoi se fondi prej 250 milionë eurosh ishte si garanci sovrane për kreditë e buta për fermerët e qeverisë.

“Farsa elektorale 11 maj 2025 është farsa më e shëmtuar që nga koha e zgjedhjeve moniste në diktaturën e Enver Hoxhës.

Për të siguruar mandatin e katërt, Edi Rama përdori të gjitha llojet e krimeve elektorale të padëgjuara më parë.

Ai për herë të parë, njeriu që shkatërroi bujqësinë shqiptare, njeriu që shkatërroi blegtorinë në kuptimin pothuaj të përgjysmimit të krerëve, dhe si shkak rënia dramatike e prodhimit të qumështit dhe prodhimeve të tjera blegtorale bujqësore, u kujtua në vitin elektoral të shpërndajë 200 milionë euro garanci 70 për qind të kredive të buta për fermerët.

Natyrisht jo për fermerin e vërtetë, por për fermerët e qeverisë, për fermerët e lidhur me qeverinë dhe kundrejt shpërblimeve të mëdha në vota.

Vazhdojmë.

Si u blenë votat me skemat në bujqësi?

1. Garancia sovrane për kreditë për SME në bujqësi.

2. Programi kombëtar për subvencionin në bujqësi.

Edi Rama në skemën e parë premtoi 70 për qind garanci sovrane për kredi të buta në bujqësi për SME-të. Fondi 250 milionë euro nga 32 milionë euro që kanë marrë fermerët çdo vit. Skema është shpallur me datën 10 shkurt 2025. Kodi zgjedhor, neni 91/4 dhe vendimi numër 9, viti 2020 i KQZ ndalon çdo lloj transaksioni dhe ndikimi në procesin zgjedhor.

Kurse kjo skemë u aplikua gjatë fushatës zgjedhore nga ministrat Denaj, Ibrahimaj, Lubi Balluku, Mazniku dhe shumë të tjerë. Më 10 shkurt 2025, Edi Rama njofton se garancia sovrane do mbulojë 70 për qind të principalit të kredisë. Faktikisht, pra, është një blerje masive votash.

Pjesëmarrësit në atë takim ishin Anila Denaj, guvernatori i bankës, Delina Ibrahimaj dhe drejtoresha e AZHBR-së. Takimi me Këshillin e Agrobiznesit, përsëri me të njëjtët persona.

Me 7 mars, takim me Bashkimin e Dhomave të Industrisë dhe Tregtisë, përsëri të njëjtët persona. Me 10 mars, takim me Bashkimin e Prodhuesve, pjesëmarrës të njëjtët persona. Me 11 mars, vazhdon pra fushata e paraqitjes në kundërshtim me ligjin e shpërndarjes së garancisë sovrane për kredi.

Me 13 mars, kjo tryezë spostohet në Malësinë e Madhe. Me 18 mars, takim me të rinjtë e punësuar në Ministrinë e Bujqësisë dhe institucionet e varësisë, Bora Muzhaqi dhe Anila Denaj.

Me 20 mars, takim në AZHBR-në. Në prill, takim në Cërrik me letrat e indulgjencës për të blerë vota. Vazhdon në mars, takim në Kurbin. Anila Denaj, garancinë sovrane e shndërron në flamurin e fushatës së saj elektorale. Tani del edhe Paketa e Maleve.

Në Vishaj, në Zall-Herr vazhdon fushata me 200 milionë garancinë sovrane. Vazhdon fushata në Ibën e Poshtme, në Çekrezë, në Pukë, Pinar. Me projektet qeveritare në bujqësi bëhet fushatë. Vazhdon në Goriçan, në Berat.

Pra, siç e shihni, me skemën e garancisë sovrane, në kundërshtim flagrant me ligjin, me kodin, Edi Rama dhe ministrat e tij qarkuan Shqipërinë për të blerë vota”, deklaroi Berisha./ CNA





Lajmet e fundit nga