web counter
LEXO PA REKLAMA!

SHKARKO APP

App Store
Google Play

"Protestat, shenjë demokracie"/ Rama për "BBC": PS do t'i japë vendit jo vetëm reforma, por edhe lëkurën e vet

4 Korrik 2026, 13:06, Politikë CNA

"Protestat, shenjë demokracie"/ Rama për "BBC": PS

Kryeministri Edi Rama ka folur për një tjetër media ndërkombëtare, lidhur me zhvillimet politike në vend dhe protestat që po zhvillohen prej më shumë se një muaji kundër qeverisë.

Në një intervistë për "BBC", Rama i ka cilësuar protestat si një shenjë të një shoqërie të shëndetshme dhe demokratike.

E ndërsa shumë zyrtarë dhe ish-zyrtarë të partisë së tij dhe qeverisë janë arrestuar me urdhër të Prokurorisë së Posaçme, ai është pyetur nga "BBC" nëse duhet të shqetësohen shqiptarët për integritetin e kryeministrit.

Në përgjigjen e tij, kreu i qeverisë ka theksuar se do një drejtësi që nuk shikon majtas e djathtas dhe që nuk mund të blihet.

Gjithashtu ka shtuar se ky është kontributi më i madh që Partia Socialiste do t'i japë këtij vendi, pasi, sipas tij, nuk do të kontribuojë vetëm duke bërë reforma, por duke i dhënë lëkurën e vet vendit.

“E kam thënë që nga dita e parë: Dua një drejtësi që nuk duket majtas, nuk duket djathtas, por duket drejt. Drejtësi që nuk mund të blihet, nuk mund të ushtrohet presion dhe nuk mund të kontrollohet nga distanca. Dhe kam thënë gjithashtu se ky është kontributi më i madh që Partia Socialiste do t'i japë këtij vendi, sepse nuk do të kontribuojë vetëm duke bërë reforma, por duke i dhënë lëkurën e vet vendit”, u shpreh Rama.

Ndërkohë lidhur me kërkesat e protestuesve në shesh, Rama e ka deklaruar disa herë se nuk do të japë dorëheqjen, ndonëse poshtë zyrës së tij protestohet prej më shumë se një muaji. /CNA





Lajmet e fundit nga