web counter
LEXO PA REKLAMA!

SHKARKO APP

App Store
Google Play

Lëndimi i efektivëve/ Lamallari: Secili që ngriti dorën, do të ketë fatin e frymëzuesit të tyre me molotov

2 Korrik 2026, 12:53, Politikë CNA

Lëndimi i efektivëve/ Lamallari: Secili që ngriti dorën, do

Ministri i Brendshëm, Besfort Lamallari, ka vizituar në spital efektivët e plagosur.

Me anë të një postimi në rrjetet sociale, Lamallari shkruan se sulmi ndaj tyre është sulm ndaj rendit dhe shtetit. Lamallari tha se secili prej atyre që ngrit dorën ndaj punonjësve të policisë, do të ketë të njëjtin fat si frymëzuesit e tyre me molotovë.

Sa i përket shoqërimit të protestuesve, Lamallari tha se është vetëm hapi i parë në rrugën pa kthim që kanë zgjedhur.

 

“Dënoj me forcën më të madhe sulmet vandale dhe sjelljen kriminale ndaj punonjësve të Policisë së Shtetit, ku mbetën të plagosur tre efektivë, të cilët ishin në krye të detyrës. Efektivët e Policisë janë punonjës të shtetit, qytetarë të Republikës dhe familjarë si çdokush tjetër. Ata janë në shërbim të ligjit, të rendit publik dhe të sigurisë së çdo qytetari, pa dallim.

Sulmi ndaj tyre është sulm ndaj shtetit dhe rendit kushtetues. Askush nuk ka të drejtë të abuzojë në emër të së drejtës kushtetuese për tubim dhe manifestim paqësor dhe ta shndërrojë atë në dhunë flagrante me gurë të hedhur ndaj punonjësve të Policisë. Secili prej tyre që sot ngriti dorën ndaj punonjësve të ligjit do të ketë të njëjtin fat si frymëzuesit e tyre me molotovë dje dhe që sot fshehën duart duke mos ardhur në Parlament. Shoqërimi i tyre nga Policia e Shtetit është vetëm hapi i parë në rrugën pa kthim që ata kanë zgjedhur në përballjen me drejtësinë dhe forcën shembullore të ligjit.

Shpreh mbështetjen time të plotë për çdo punonjës të Policisë së Shtetit që, me profesionalizëm dhe vetëpërmbajtje, vijon të përmbushë misionin e tij në mbrojtje të qytetarëve dhe të ligjit.

Shërim sa më të parë dy punonjësve të shtruar pranë Spitalit të Traumës si dhe kolegut të tyre të Komisariatit nr. 5 të Policisë, i cili po merr ndihmën e nevojshme pranë QSUT-së”, shkruan Lamallari.





Lajmet e fundit nga