web counter
LEXO PA REKLAMA!

SHKARKO APP

App Store
Google Play

E fundit!

x

Protesta në Prishtinë për UÇK-në/ Rama: Nëse Kuvendi i Kosovës krijon rezolutë, e mbështesim

7 Gusht 2025, 21:39, Politikë CNA

Protesta në Prishtinë për UÇK-në/ Rama: Nëse

Kryeministri Edi Rama ka reaguar mbrëmjen e kësaj të enjteje, pas zhvillimit të një proteste në Prishtinë për Ushtrinë Çlirimtare të Kosovës.

Përmes një postimi në rrjetet sociale, Rama shprehet se nuk e di arsyen për të cilën Kuvendi i Kosovës nuk e ka ngritur ende zërin përmes një rezolute.

Rama shton se nëse Kuvendi i Kosovës do të krijojë rezolutë për Hashim Thaçin dhe shokët e tij, për t’ia drejtuar Hagës, Kuvendi i Shqipërisë do të jetë gati ta mbështesë.

“Vazhdoj pyes veten pse Kuvendi i Kosovës nuk e ka ngritur ende zërin përmes një rezolute pa dallime partish, ku të rreshtohen sa e sa shkeljet faktike të normës elementare demokratike të procesit të rregullt ligjor nga ana e Tribunalit të Hagës, ku të drejtat e Hashim Thaçit e shokëve të tij të izoluar nga bota prej vitesh të tëra tanimë, janë shqelmuar si hiçasgjë?!

Natyrisht që në rast se Kuvendi i Kosovës do ta bënte këtë rezolutë të vonuar, ne do ta angazhonim menjëherë Kuvendin e Shqipërisë, për ta votuar të njëjtin tekst dhe për ta përcjellë zërin e krejt shqiptarëve në çdo shtet demokratik që e sponsorizon Tribunalin, e që nuk duhet të tolerojë asnjë cënim e jo më asgjësimin e procesit të rregullt ligjor me kontributin financiar të taksapaguesve të vet”,-shkruan Rama./CNA





Lajmet e fundit nga