web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama ka përdorur pagesat për personat me aftësi ndryshe për të blerë vota

6 Gusht 2025, 13:56, Politikë CNA

Berisha: Rama ka përdorur pagesat për personat me aftësi ndryshe

Kryetari i Partisë Demokratike, Sali Berisha, në një konferencë për mediat, tha se kryeministri Edi Rama ka përdorur për blerje votash, pagesat për personat me aftësi ndryshe.

Berisha tha se vendimi për pagesat ndaj këtyre personave është marrë në dhjetor, por shpërndarja është bërë në fushatën elektorale.

Kryedemokrati u shpreh se do të bëjë gjithçka që shqiptarët të votojnë të lirë dhe tha se PD nuk do ta njohë farsën zgjedhore, referuar zgjedhjeve të 11 majit.

“Krimi elektoral i Edi Ramës nuk ka të ndalur. Ai ka përdorur pagesat për personat me aftësi ndryshe në kulmin e fushatës elektorale për të blerë vota.

Ka shpërndarë për 164 mijë persona me aftësi ndryshe, dhe për mijëra e mijëra kujdestarë të tyre që në total shkojnë rreth 200 mijë, si shpërblim 4 mijë lekë apo 40 euro. Një vendim, të cilin e kanë marrë në dhjetor, por e kanë zbatuar pikërisht atëherë kur nuk mund të zbatohej, e kanë zbatuar në fushatën elektorale. Solla këta shembuj për të ilustruar cinizmin ekstrem dhe pashpirtësinë e narkoqeverisë, e cila ndonëse i lë në kushte më të mjera, ju e patë, pensioni në Shqipëri është 60 për qind më i ulët sesa në vendin me pensionin më të ulët në Europë. Dhe në vend se të ishte ndjekur politika e rritjes së pensioneve, e vendosjes së minimumit jetik, ndiqet praktika e shpërblimit për votë si për pensionistët, ashtu edhe për 200 mijë persona me aftësi të kufizuara dhe kujdestarët e tyre. Dënoj edhe njëherë me forcën më të madhe këtë farsë të shëmtuar zgjedhore dhe deklaroj se PD kurrë nuk do të njohë, nuk do ta pranojë. Do bëjë gjithçka që shqiptarët të votojnë si qytetarë të lirë”, tha Berisha./ CNA





Lajmet e fundit nga