web counter
LEXO PA REKLAMA!

SHKARKO APP

App Store
Google Play

E fundit!

x

“Nuk është vetëm faji i Berishës”/ Murrizi: Nëse hapet gara për kryetar të PD-së, do të marr pjesë

6 Gusht 2025, 16:13, Politikë CNA

“Nuk është vetëm faji i Berishës”/ Murrizi:

Ish-deputeti demokrat, Myslim Murrizi deklaroi sot se e ka të hapur mundësinë për të marr pjesë në garën për kreun e ri të Partisë Demokratike, nëse hapet një garë e tillë.

Në një intervistë në A2CNN, Murrizi u ndal te rezultatet e PD-së nga 11 majit, teksa u shpreh se faji për këto rezultate nuk është vetëm i kryedemokratit Sali Berisha.

Murrizi tha se PD nuk vuan për emra të fortë për një kryetar të ri.

“PD në deklarimet publike, por edhe në pohimet e zotit Berisha është thënë që do presin raportin e OSBE/ODIHR dhe do të mblidhen. Por unë mendoj se është në limite, pasi në Prill është bërë Kuvendi, por nuk ka asgjë të keqe që të bëhet një Kuvend të jashtëzakonshëm për të kompozuar një Këshill Kombëtar tjetër dhe një Kryesi tjetër, duhet të lëvizë. Përgjegjësia nuk mund t’i ngarkohet një individi. Të gjithë drejtuesit politik kanë përgjegjësi, të cilët e kërkuan apo ishin pjesë të pazarit kur Berisha ishte në arrest, dhe kanë marrë rezultat se lista e mbyllur nëse kanë moral duhet të japin dorëheqjen si drejtues politik, madje duhet të konsiderojnë edhe mandatin. Unë kam që nga 8 Dhjetori 1990 në PD dhe këto nenet me emra individësh të hartuar në kushte emocionale, kanë futur dhe emrat neni Bardhi, Noka, Gjekmarkaj, Murrizi, këto janë qesharake. Statuti i PD, modeli më i mirë është ai i hartuar në 12 Dhjetor 1990 dhe për mua duhet të kaloj në votëbesim. kandidaturën nëse në selinë blu do të ketë zgjedhje për lidershipin. Nëse hapet gara, nëse do të ketë garë për kryetar partie, unë por edhe të tjerë, do ta konsiderojmë marrjen pjesë në gare, pasi nuk është me emërim. Por që nëse Berisha tërhiqet, dhe nuk do të ndikojë në garë, të jetë i bindur që do të jetë një garë e fortë me plotë emra dhe unë nuk mendoj se vuan për emra për kryetar”,-tha Murrizi./CNA





Lajmet e fundit nga