web counter
LEXO PA REKLAMA!

SHKARKO APP

App Store
Google Play

E fundit!

x

Protesta e PD në Durrës/ Xhaferri: Hidrovori joeficient, projekti u devijua për llogari të Ramës

8 Janar 2026, 17:43, Politikë CNA

Protesta e PD në Durrës/ Xhaferri: Hidrovori joeficient, projekti u

Qytetarët e Durrësit kanë zhvilluar ditën e sotme një protestë pas përmbytjeve që ndodhën në këtë qytet, si pasojë e reshjeve të shiut.

Deputeti i Partisë Demokratike, Besart Xhaferri me anë të një postimi në rrjetet sociale, shkruan se protestat do të jenë pa kthim ndaj kësaj kaste hajdutësh.

Xhaferri thotë se ndonëse qyteti i Durrësit po përmbytet për herë të tretë, qeveria refuzon të shpallë gjendjen e emergjencës pasi nuk do që të paguajë dëmshpërblime.

Demokrati u shpreh se hidrovori është joefucent pasi projekti i tij është devijaur për llogari të Ramës.

 

 

Statusi i Xhaferrit

 

Qytetarët e përmbytur po marrin para borxh tek mikrokreditë për të rikuperuar dëmet, ndaj sot kanë dalë në protestë kundër hajdutëve që pasi i zhvatën i përmbytën!

Ndonëse po përmbyten për herë të tretë në harkun kohor të katër muajve, Shteti Shqiptar refuzon të shpallë gjendjen e emergjencës, pasi kërkon të shmangë dëmshpërblimet.

Për këtë arsye sot qytetarët e Durrësit iu përgjigjën thirrjes së të rinjve të FRPD për të dalë në protestë.

20 milionë dollarë të derdhura në hidrovorin e Durrësit kanë shkuar dëm, pasi hidrovori është joeficient për shkak se projekti i hidrovorit është devijuar për projektin e Ramës për portin në Porto Romano, afër Eco Parkut të tij.

Shumë banorë të Durrësit të ri, për të mobiluar shtëpitë pas dy përmbytjeve të para, u janë drejtuar mikrokredive për të marrë para hua dhe me gjasë do ta bëjnë sërish diçka të tillë.

Ky është realiteti i trishtë i banorëve të kësaj zone, realitet që e preka nga afër, pasi shkova në zonën e Spitallës, ku kam familjarë të mi nga Skrapari,  në Gjirin e Lalzit, Manzë po ashtu në Shkozet, ish-kënetë dhe Shijak , ku më shoqëruan bashkëpunëtorët e mi.

Protestat do jenë pa kthim kundër kësaj kaste hajdutësh të paskrupullt.





Lajmet e fundit nga