web counter
LEXO PA REKLAMA!

SHKARKO APP

App Store
Google Play

Përmbytjet/ Xhaferri: Hidrovori i Durrësit si inceneratori i Tiranës

7 Janar 2026, 15:42, Politikë CNA

Përmbytjet/ Xhaferri: Hidrovori i Durrësit si inceneratori i

Deputeti i Partisë Demokratike, Besart Xhaferri, ka reaguar në rrjetet sociale për përmbytjet në Durrës duke u ndalur edhe te reagimi i Ramës.

Xhaferri shkruan se Hidrovori i Durrësit është njësoj si inceneratori i Tiranës, joefektiv.

Duke u ndalur te reagimi i Ramës, i cili tha se fajin e kanë plehrat e hedhura nga qytetarët, Xhaferri tha se këto mbeturina nuk pastrohen nga Bashkia e Durrësit.

Më tej, deputeti demokrat shkruan se Bashkia e Durrësit prej vitesh i alokon miliona euro.

 

Statusi i Xhaferrit

 

 

Përmbytjet, Hidrovori i Durrësit si Inceneratori i Tiranës!

Bashkia e Durrësit prej vitit 2000 drejtohet nga socialistët, të cilët prej vitit 2013 drejtojnë edhe qeverinë.

Sot, nga Parisi, ku dikur flinte nën urat e lumenjve, Edi Rama, për përmbytjet apokaliptike, fajësoi qytetarët e Durrësit se hedhin mbeturinat në kanalet e ujërave të zeza, të cilat Bashkia e Durrësit nuk i pastron prej vitesh.

Sipas tij, ky është shkaku i përmbytjeve dhe jo mosfunksionimi i hidrovorit të Durrësit, i cili kushtoi 20 milionë dollarë dhe është po aq joefektiv sa Inceneratori i Tiranës.

Bashkia e Durrësit, me urdhrin tënd, prej vitesh i alokon miliona euro Inceneratorit të Tiranës.

Pyetja që kam për Kryeministrin është, pse këto mbetje ndodhen në kanalet e Durrësit dhe jo në Inceneratorin e Tiranës, për të cilin u firmosën 17 dokumente brenda një dite dhe iu dha bonus 8% një kompanie që nuk ekziston?





Lajmet e fundit nga