web counter
LEXO PA REKLAMA!

SHKARKO APP

App Store
Google Play

E fundit!

x

Patozi, pesimist për PD-në/ “Ka hyrë në cikël degradimi të pakthyeshëm”

15 Qershor 2023, 21:31, Politikë CNA
Patozi, pesimist për PD-në/ “Ka hyrë në cikël
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, i sheh me pesimizëm zhvillimet në Partinë Demokratike.

Patozi pretendon se PD ka hyrë në një cikël degradimi të pakthyeshëm dhe çdo gjë që do të ndodhë është e parashikueshme.

“Të gjitha janë të parashikueshme në PD. Sipas meje, PD ka hyrë në një cikël degradimi të pakthyeshëm. Nuk shoh një shenjë ndryshimi të mendësisë politike, për të mos thënë që janë të njëjtët njerëz ende. Fatkeqësia e tyre është se çdo proces kontestohet dhe kjo zbeh imazhin e PD-së.

PD e vulës mori 104 mijë vota në zgjedhje, ndërsa partia e Agron Dukës ka marrë rreth 45 mijë vota. Është një mungesë respekti kur sheh modestinë e Dukës që ka marrë atë rezultat inkurajues. Rezultati duhet lexuar ftohtë. Nuk është fundi i botës që opozita nuk është në një çadër. Rama mundet vetëm duke i vënë përballë anti-modelin, të kundërtën e tij. Opozitat e para dhe Rama janë njësoj, ka kryetarokraci të pastër dhe ja ku janë pasojat. Kemi një opozitë që po kalbet para syve tanë”, shprehet ai.

Ish-koordinatori i Bindjes Demokratike thekson se përplasjet në PD do sjellin sërish fitoren e socialistëve.

“Nëse shohim çfarë po bëjnë Berisha, Basha apo Bardhi me Alibeajn, kjo është kohë e humbur, fitore jo e jo. Berisha nuk pranon sepse është stoik për 2008-ën pasi të tjerët kanë reflektuar për atë, ndërsa ai i mbetet linjës së tij. Ai e do bipolaritetin sepse do të jetë njëri nga gjelat edhe nëse nuk vjen në pushtet”, nënvizon Patozi./ CNA.al





Lajmet e fundit nga