web counter
LEXO PA REKLAMA!

SHKARKO APP

App Store
Google Play

Patozi i kujton Berishës Olldashin/ "PD s’ka parë ditë të bardhë që kur prishe garën e tij me Bashën"

15 Qershor 2023, 21:07, Politikë CNA
Patozi i kujton Berishës Olldashin/ "PD s’ka parë ditë
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, i ka kujtuar mbrëmjen e sotme të ndjerin Sokol Olldashi, kreut të PD-së, Sali Berishës.

Në një intervistë me Marsela Karapançon, Patozi pretendon se PD “nuk ka parë asnjë ditë të bardhë” që nga momenti kur Berisha prishi garën e Olldashit me Lulzim Bashën.

Ai theksoi se kreu i PD-së ka qenë mbështetësi i vetëm i Lulzim Bashës që nga dita e tij e parë deri në momentin kur ndodhi përplasja në PD.

“Basha sot po thotë disa teza për të cilat na ra goja dhe ai nuk bëri gjë kur kishte mundësi. Ne e kemi çuar listat e hapura në GJK dhe sot që flasim lista është e hapur. Sot ka një betejë të pabarabartë.

PD nuk ka parë asnjë ditë të bardhë që kur prishi garën mes Bashës dhe Olldashit sepse nuk ka pasur asnjë proces të pastër në brendësi. Shqiptarët e shohin që sa herë ke kontestime për një garë të pandershme brenda shtëpisë, mos prit perfeksion me kundërshtarin.

Berisha ka qenë mbështetësi i vetëm i Bashës që nga dita e parë kur u zgjodh, deri në ditën kur ata nxorrën thikat dhe nisën përleshjen. Berisha ka qenë nxitësi dhe tutori i Bashës deri në fund. Basha është i vetmi që në fushatë rri në shtëpi dhe pas zgjedhjeve thotë do bëhem kryetar. Fakti që Basha po bën të njëjtën gjë si Berisha. Ajo simbioza mes tyre nuk ka qenë e kotë, pasi kanë uudhëhequr njësoj dhe kanë bërë të njëjtat veprime”, deklaroi Patozi./ CNA.al





Lajmet e fundit nga