web counter
LEXO PA REKLAMA!

SHKARKO APP

App Store
Google Play

E fundit!

x

Toni Gogu - Berishës: Shpalle armik Rusmalin dhe rehabilitove vetëm pas vdekjes Olldashin

15 Qershor 2023, 19:08, Politikë CNA
Toni Gogu - Berishës: Shpalle armik Rusmalin dhe rehabilitove vetëm
Deputeti Toni Gogu dhe kryetari i PD-së, Sali Berisha

Deputeti Toni Gogu në fjalën e tij në Kuvend kujtoi deputetin e ndjerë, Sokol Olldashi, kur foli për akuzat e Sali Berishës për zgjedhjet e 14 Majit.

Gogu iu drejtua edhe opozitës duke iu kujtuar që akuzat që hedhin në sallën e Kuvendit, nuk reflektohen në letrat e ankimimeve që opozita dorëzon në KQZ.

"Berisha ditën e parë tha që zgjedhjet i vodhi Edi Rama, pastaj ditën e dytë harroi akuzën e ditës së parë dhe tha që fajin e kishte Lulzim Basha që bashkëpunoi me Ramën, ditën e tretë faji ishte i Ilir Rusmalit që ndihmoi mazhorancën në KAS."

Midis të tjerash, Gogu u kujtoi deputetëve të opozitës, se lista e ish-bashkëpunëtorëve që Berisha i ka shpallur armiq është e gjatë.

"Lista e ish-bashkëpunëtorëve që Berisha i shpall armiq është shumë e gjatë dhe mos u habisni që edhe juve t'ju vijë radha.

Nga ajo listë shpëton vetëm kur ndonjëri vdes. Vetëm atëherë rehabilitohesh".

Gogu qartësisht iu referua Sokol Olldashit, i cili në garën për kryetar të PD-së u denigrua nga Berisha për t’i hapur rrugë të zgjedhurit të tij, Lulzim Basha.

Më pas edhe bashkëpunëtorët e Olldashit u spastruan nga çdo organ lokal dhe qendror në PD.

Vetëm përpara pak muajsh, Berisha iu referua Olldashit si "kandidat më i mirë sesa Basha për kryetar të PD".

Duhet thënë se edhe rehabilitimi i Olldashit duket cinik, në kohën kur "kandidati më i mirë" nuk jeton më./ CNA.al





Lajmet e fundit nga