web counter
LEXO PA REKLAMA!

SHKARKO APP

App Store
Google Play

Paralajmëron Rama: Do të ketë shkundje edhe tek IMT-ja dhe Policia Bashkiake

10 Gusht 2025, 09:55, Politikë CNA

Paralajmëron Rama: Do të ketë shkundje edhe tek IMT-ja dhe

Kryeministri Edi Rama ka bërë me dije se ashtu siç pati shkundje dhe lëvizje në bashkitë e mëdha të vendit po ashtu do të ketë dhe tek IMT-ja dhe Policia Bashkiake.

Ky paralajmërim vjen pas aksionit për prishjen e ndërtimeve pa leje.

“Sekuesrtimi dhe konfiskimi është një tjetër korsi por që bëhet në ato raste ku është e mundur dhe realisht mund të përdoret godina për interes publik. Do të kemi të tilla në vijim. Ama të marrësh dhe të sekuestrosh godinën dhe të bësh institucion publik tre metra nga dallgët e detit është pa sens.

Ashtu sic ka pasur një përshkallëzim të valës së lëvizjeve me drejtuesit në bashkitë e qyteteve të mëdha ku ka nevojë për një shkundje për të kaluar në një nivel tjetër ashtu do të ketë dhe në strukturat, duke filluar nga IMT, Policia Bashkiake dhe Zhvillimit Urban. Teknologjia do të vihet në qendër.IMT e bashkive do të reformohen. Kush ka qenë drejtor nuk do të jetë më. Nuk janë të gjithë për tu futur në një thes. Burgu është një adresë për të cilën veprohet me fakte.”, tha Rama./ CNA





Lajmet e fundit nga