web counter
LEXO PA REKLAMA!

SHKARKO APP

App Store
Google Play

Paralajmërimi për Ramën: Fundin do ta kesh para gjykatës

17 Prill 2026, 20:30, Politikë CNA

Paralajmërimi për Ramën: Fundin do ta kesh para gjykatës

Kreu i PD-së Sali Berisha ka paralajmëruar kryeministrin Edi Rama se fundi i tij do të jetë par a gjykatës.

Ai theksoi se opozita nuk do të ndalet as për çështjen e Ramës dhe as të Ballukut.

“Këtë javë banalistë, sahanlëpirës, kanë vërshuar në mediat e kontrolluara nga Rama me tezën se opozita shqiptare nuk ka fuqinë e opozitës të Hungarisë, por ka një ndryshim thelbësor mes opozitës në Hungari dhe Shqipëri: mafia e zezë e fjalës së lirë, e cila trillon dhe manipulon 24/24, 7 ditë në javë, opinionin për të mbrojtur padrinon e tyre. Për t’ju mashtruar, ju krahasojnë të pakrahasueshmen. Në Hungari nuk u arrestua ndonjëherë lideri i opozitës në vitin zgjedhor si në Shqipëri.

Në Hungari qeveria nuk shpërndau 100 euro për pensionistët në mes të fushatës për të blerë votat. Në qytetet e Hungarisë votën e qytetarëve nuk e kontrollojnë kartelet e mëdha të drogës.

Në zgjedhjet në Hungari qeveria nuk fali gjoba dhe kamatat e 10 viteve prej 2 miliardë euro gjatë fushatës.

Në Shqipëri, në narkoshtetin e parë në Europë, 90% e mediave që kontrollohen nga Rama mbjellin censurë për opozitën.

Së fundi, do t’ju rikujtoj se në Hungari ministri i Drejtësisë, madje dhe Presidenti i Republikës, të gjendur para një akti të konsideruar skandal nga shoqëria e këtij vendi, falja që iu bë një delinkuenti që nuk duhet falur,  dhanë dorëheqjen brenda 5 orëve dhe u paraqitën para drejtësisë, kurse në Shqipëri, lidhur me afera që arrijnë në 2.1 miliardë euro, Edi Rama, bashkëaksioner me 62% të këtyre aferave, nuk dha dorëheqjen.

Kurrë nuk e mbyllim çështjen tënde, çështjen Balluku, dhe fundi yt do të jetë para gjykatës. Në këto kushte, duhet të pohoj se kemi bërë sakrifica të shumëfishta për të mbrojtur interesin publik. Ne do të qëndrojmë të pamposhtur”, tha Berisha./ CNA





Lajmet e fundit nga