web counter
LEXO PA REKLAMA!

SHKARKO APP

App Store
Google Play

“Kemi parlament të zhbalancuar”/ Lutfi Dervishi: Mazhoranca socialiste, kokëfortë dhe arrogante e shumicës

16 Prill 2026, 21:37, Politikë CNA

“Kemi parlament të zhbalancuar”/ Lutfi Dervishi: Mazhoranca

Analisti Lutfi Dervishi e cilësoi sot mazhorancën socialiste si kokëfortë dhe arrogante për shkak të zotërimit të shumicës.

I ftuar në A2 CNN, Dervishi u ndal edhe te gjendja e opozitës përballë mazhorancës në pushtet, që sipas tij, nuk i është dhënë hapësira e duhur.

Analisti shtoi se parlamenti i vendit është i zhbalancuar dhe i mësuar keq, pa opozitë ose me një opozitë qesharake.

“Çështja e burimit të tensionit. Cili është interesi i opozitës që të ketë tension? Unë mendoj që është qëndrimi kokëfortë e arrogant i shumicës. Kur ka ardhur Partia Socialiste në pushtet ka thënë fjala jonë është puna, puna juaj është fjala. I ka thënë opozitës që ju keni të drejtën e fjalës. Tani edhe këtë të drejtë këtë fjale e kanë masakruar. Domethënë një opozitë që s'i miratohet asnjë nismë ligjore. Një opozitë që ndërton institucione të pavarur vetëm me kandidatë të shumicës, një opozite që i mohohen interpelancat parlamentare, një opozite që kërkon komision hetimor dhe i mohohen pra nuk ka absolutisht asnjë të drejtë brenda hapësirës kushtetuese, për më tepër është një shumicë e cila ndryshon dhe rregullon në mënyrë të njëanshme. Le të shkojmë tek teprimi i gjuhës apo i veprimeve. Po ka deputetë që duhen ndëshkuar; tension i lartë, debate, por çështja është që këtu kë standarde të dyfishta, dënohen të gjithë deputetët e opozitës dhe kur ka raste flagrante nga deputet i shumicës veprohet ndryshe. Pra kemi një parlament të zhbalancuar dhe të mësuar keq në 2019-n pa opozitë ose me një opozitë qesharake. Dhe është inercia që këta na pengojnë. Madje edhe retorika e fundit është që këta po na pengojnë për në BE. Pra, një opozitë që s'imponohet asgjë në kuptimin e numrave” ,-tha Dervishi./CNA





Lajmet e fundit nga