E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

“Hajdut i vogël, gënjeshtar”/ Shehaj përplaset ashpër me Ballën dhe Braçen në Kuvend

16 Prill 2026, 21:18, Politikë CNA

“Hajdut i vogël, gënjeshtar”/ Shehaj përplaset

Seanca e sotme plenare është shoqëruar me tensione dhe debate të ashpra mes deputetëve të pranshëm.

Situata më e agravuar ishte ajo e deputetit dhe kreut të Partisë Mundësia, Agron Shehaj, i cili u përplas verbalisht me dy socialistët, Taulant Balla dhe Erion Braçe.

Shehaj i drejtua Ballës se kryeministri Edi Rama, bashkë me mazhorancën, po përpiqen vetëm si t’i shmangen burgut.

“Lërini, broçkullat e teatrot dhe kujdesuni për njerëzit. Por ju doni të shmangni burgun. Keni burgun. Në këto 35 vite mendonit se mund të villnit sa të donit dhe nuk do u gjente asgjë. Kur nisët t’u arrestonin Veliajn, Kërçanaj. Ballukut u shokuat…Dhe më pas Rama u detyroi të dilnit në TV të bëheshit ekspertë të drejtësisë dhe u kujtuat për mbipopullimin e burgjeve sepse duhet të mbronit shokët tuaj. Por tashmë erdhi gjenerali, Taulant doli gënjeshtra juaj.. Krerët e SPAK janë në Ëashington Taulant”, -tha Shehaj.

Ndërkohë, kreu i grupit parlamentar të PS-së, Taulant Balla iu kthye Shehajt duke e akuzuar se ka vjedhur të dhënat e Partisë Demokratike.

“Gënjeshtra i ka këmbët e shkurtra. Person që mendon që duke bërtitur dhe shkuar përtej çdolloj norme tha se tregu i karburanteve në Shqipëri kontrollohet nga një subjekt…Ti je një gjobaxhi i vogël… Iu turre një biznesmeni. Siç ua bërë këtyre. I vodhe PD të dhënat e partisë….I ke vjedhur PD të dhënat e anëtarëve dhe u çon edhe mesazhe mos votoni PD”,-tha Balla.

Gjithashtu, Shehaj u përplasur edhe me deputetin socialist Erion Braçe, që e quajti “hajdut të vogël”.

Shehaj: Ti je hajdut i vogël

Braçe: Atë hajdutin ta kam thënë njëherë, e ke bërë si legen, ke kërkuar edhe falje.

Shehaj: Jo jo, s’të kam kërkuar falje. Je një hajdut i vogël. Je i vogël në gjithçka. Zoti kryetar, merr masa shkova unë te ai hajduti i vogël, apo erdhi ai te unë./CNA