web counter
LEXO PA REKLAMA!

SHKARKO APP

App Store
Google Play

A po bllokohen negociatat e anëtarësimit të Shqipërisë në BE-në?/ Përgjigjet Komisioni Europian

17 Prill 2026, 12:26, Politikë CNA

A po bllokohen negociatat e anëtarësimit të Shqipërisë

Komisioni Europian ka reaguar sot lidhur me situatën e Shqipërisë në rrugën drejt negociatave të anëtarësimit në Bashkimin Europian.

Përmes një komunikimi me "A2 CNN", Komisioni thekson se tanimë e kanë në dorë vendet anëtare që të bien dakord për pozicionin e përbashkët të BE-së për Grupkapitullin 1, që do të vendosë kriteret për mbylljen e negociatave në fushën e sundimit të ligjit.

Ndër të tjera, Komisioni Europian rekomandon që Shqipëria të vazhdojë të forcojë bilancin e zbatimit të ligjit ndaj korrupsionit dhe ndaj krimit të organizuar, përfshirë trafikun e drogës. 

“Komisioni i ka paraqitur Këshillit vlerësimin e tij pozitiv mbi përmbushjen e Raportit të Vlerësimit të Përkohshëm dhe një draft të Pozicionit të Përbashkët të BE-së për Klasterin e parë. Tani u takon Shteteve Anëtare të bien dakord për pozicionin e përbashkët të BE-së për Klasterin 1, e cila do të vendosë kriteret për mbylljen e negociatave në fushën e Sundimit të Ligjit. Shqipëria duhet të vazhdojë të forcojë bilancin e zbatimit të ligjit ndaj korrupsionit (përfshirë nivelet e larta) dhe ndaj krimit të organizuar, përfshirë trafikun e drogës. Është i domosdoshëm angazhimi gjithëpërfshirës dhe konstruktiv midis partisë në qeverisje dhe opozitës, si dhe me të gjithë aktorët.  Fushat që kërkojnë rezultate të mëtejshme përfshijnë: lirinë e mediave, parandalimin e korrupsionit, reformën zgjedhore, zbatimin e të drejtave të pakicave, të drejtave të fëmijëve dhe të drejtave të pronës. Për kapitujt e tjerë të negociatave, fokusi duhet të jetë në intensifikimin e propozimeve ligjore dhe institucionale kyçe të mbetura pezull”,-theksohet në reagim./CNA 

 





Lajmet e fundit nga