web counter
LEXO PA REKLAMA!

SHKARKO APP

App Store
Google Play

Panairi Kombëtar i Shkollave "Art dhe Zeje 2023"/ Rama: Sfida ime, ta kthej në traditë

2 Qershor 2023, 16:54, Politikë CNA
Panairi Kombëtar i Shkollave "Art dhe Zeje 2023"/ Rama: Sfida
Kryeministri Edi Rama

Ditën e sotme u hap Panairi Kombëtar i Shkollave "Art dhe Zeje 2023", në të cilin mori pjesë kryeministri Edi Rama dhe ministrja e Arsimit, Evis Kushi.

Rama tha se në këtë panair janë përfshirë 10 mijë nxënës. Ai u shpreh se sfida e qeverisë është që ta rikthejë programin "Art dhe Zeje" nga një risi, në një traditë në mbarë vendin.

“Sfida është ta bëjmë një program që nga risi të kthehet në traditë e hapësirë, ku të gjithë ju, ata si ju dhe të gjithë ata që janë pjesë e këtij procesi të arsimimit dhe edukimit në shkollat tona të mund të kenë kushte dhe mësuesit për të zhvilluar talentet e tyre por edhe për t’u njohur me rrugë të reja të eksplorimit të shijeve të ndryshme të traditës sonë si dhe për t’u njohur me eksperienca të reja që kanë të bëjnë me artin, zejet, historinë e përbashkët botërore europiane por edhe historinë e përveçme shqiptare.

Kjo praktikë e mirë dhe sidomos aty ku kjo ka dhënë edhe shembujt më pozitivë duhet marrë e zhvilluar më tej në procesin e shtrirjes së programit. Tani kemi provën që jo vetëm është e mundur por edhe e realizueshme si proces i mësimdhënies dhe mësimmarrjes. Le të bashkojmë idetë, forcat e energjitë dhe të shkojmë më tutje në mënyrë që nga zhvillimi i programit të përfitojmë jo vetëm një panair si ky por edhe festivale, ekspozita të dedikuara, shfaqje të posaçme e një pasuri të madhe për arsimin tonë ”, theksoi kreu i qeverisë./ CNA.al





Lajmet e fundit nga