“Opozitë e vështirë deri në kufijtë e mbijetesës”/Deputeti Çelaj njofton kandidimin në primaret e PD-së

21 Shkurt 2025, 20:23, Politikë CNA

“Opozitë e vështirë deri në kufijtë e

Deputet i Qarkut Kukës, Isuf Çelaj ka njoftuar sot se do të garojë në primaret që zhvillon Partia Demokratike më 1 mars.

Sipas deputetit, këto vite kanë që të vështira për të gjithë demokratët, ka qenë një opozitë e vështirë deri në kufijtë e mbijetesës se opozitarëve.

Çelaj vuri në pah disa prej situatave me të cilat është përballur PD-ja, si djegia e mandateve, braktisja e zgjedhjeve lokale dhe situatat e mëvonshme me arrestimin e Berishës.

Çelaj theksoi se në primare duhet të tregojnë në këtë garë vlerat më të mëdha demokratike dhe njerëzore, duke e parë si garë brenda tyre, si promovim të vlerave fisnike dhe të një koherence dhe maturie politike.

“Pas një mandati e gjysëm deputet i Qarkut Kukës, kam vendosur të konkuroj në primaret e organizuara në këtë qark.

Këto vite, për të gjithë ne, kanë qenë një opozitë e vështirë deri në kufijtë e mbijetesës sonë si demokrat në shumë aspekte. Djegia e mandateve, braktisja e zgjedhjeve lokale, dhe situatat e mëvonshme me agresionin që u përball lideri jonë historik Prof. Dr. Sali Berishës dhe Partia Demokratike, patën impaktin e vet edhe në rradhët e demokratëve.

Rrugëtimi im me Partinë Demokratike nis që në vitin 1991 me krijimin e Degës së Partisë Demokratike - Tropojë.

Një rrjedhë llogjike kjo, për shkak të persekucionit dhe internimit me të cilat u përball familja ime gjatë rregjimit komunist.

Partia Demokratike gjatë qeverisjes së saj në vitet 2005-2013 ka bërë shumë vepra të mira, por ne sigurisht kemi mësuar edhe nga gabimet tona, që ndofta startojnë që nga viti 2007 e këtej.

Arsyet se përse kërkoj nga Ju edhe një mandat :

- Sepse, në të gjithë karrieren time, si akademike, drejtues i lartë në adminiatratën publike në Ministrinë e Brendshme dhe më pas në angazhimin tim në politikë, ka qënë gjithmonë një mision i veçantë, mbështetja e çdo banori të qarkut tonë që më ka kërkuar ndihmë, mision ky që do të vazhdojë edhe në të ardhmen pa asnjë lloj kompromisi.

- Sepse së bashku me Ju në zgjedhjet parlamentare të vitit 2021, i dhamë Partisë Demokratike një fitore fantastike në qarkun tonë, duke fituar në të gjitha qendrat e votimit pa përjashtim, në Rrethin e Tropojës.

- Sepse këto vitet e fundit, pavarësisht shantazhit dhe presionit të brendshëm apo të jashtëm, unë kurrë, për asnjë sekondë, nuk vura në dyshim as dorëzimin e mandatit, as pozicionimin tim krah së vertetës. Kjo sepse, kam mendur gjithmonë se më shumë kishim ne si familje politike dhe Shqipëria nevojë për Sali Berishën, sesa Sali Berisha për ne.

- Kam përcjellë në mënyrë permanente në parlament të gjitha problemet adekuate të qarkut tonë, por fatëkeqësisht të gjitha kanë rënë në vesh të shurdhër. Të pretendohet të merren financime tek rilindja nga një deputet demokrat, aq më shumë për qarkun tonë, (që kur është përballë me revoltat dhe rezistencën tonë, na ka quajtur me lloj-lloj epitetesh), është njësoj sikur të pretendojmë të lindë dielli natën.

- Me dëshiren e madhe, që në katër vitet e ardhshme të qeverisjes së PD, me njohjen e procedurave parlamentare e ato qeverisëse, njohjet e lidhjet që kam në vite, përkushtimin tim dhe fokusin që do të ketë Kryeministri Berisha për këtë qark, do ta nxjerrim një herë dhe përgjithmonë nga lista e zezë e varfërisë, jo vetem në saj të politikave makro, por edhe duke sjellë investime, punësim dhe zhvillimin e munguar gjatë këtyre 12 viteve.

- Duke qenë se nuk është në natyrën time përçarja, mllefi, hakmarrja e verbër, ju bëj thirrje edhe konkurentëve të tjerë në primare që të tregojmë së bashku në këtë garë vlerat më të mëdha demokratike dhe njerëzore. Ta shikojmë këtë garë brenda nesh, si promovim të vlerave fisnike dhe të një koherence dhe maturie politike, duke mos harruar për asnjë moment, që i vetmi armik apo kundershtar i joni është Edi Rama dhe narko-rregjimi i tij",- shprehet deputeti./CNA