web counter
LEXO PA REKLAMA!

SHKARKO APP

App Store
Google Play

E fundit!

x

Takimi Dumani-Celibashi/ Pjesë e tryezës mbi transparencën dhe integritetin zgjedhor

21 Shkurt 2025, 19:26, Politikë CNA

Takimi Dumani-Celibashi/ Pjesë e tryezës mbi transparencën dhe

Kreu i SPAK, Altin Dumani dhe kreu i KQZ-së, Ilirjan Celibashi janë takuar sërish, këtë javë si pjesë e një tryeze të zhvilluar mbi transparencën dhe integritetin zgjedhor.

Në këtë tryezë të rëndësishme diskutimi, fokusi i bisedës ishte te transparenca financiare e partive politike, integriteti zgjedhor dhe sfidat që lidhen me përdorimin e burimeve shtetërore.

Për këto insitucione dhe jo vetëm, zgjedhjet e 2025-ës konsiderohen një test kyç për demokracinë dhe standardet zgjedhore të Shqipërisë në kuadër të negociatave me BE-në.

“Vetëm përmes angazhimit të përbashkët dhe mekanizmave të fortë monitorimi mund të sigurojmë zgjedhje transparente dhe të ndershme.

Vlerësova nismën e ndërmarrë nga KQZ, Prokuroria e Përgjithshme, SPAK dhe Policia e Shtetit për bashkërendimin e aktiviteteve para zgjedhjeve të 11 majit, me qëllim trajtimin e krimeve zgjedhore dhe garantimin e besimit në procesin zgjedhor. “Kjo iniciativë buron nga sjellja e përgjegjshme dhe pjekuria e këtyre institucioneve”, theksova gjatë fjalës sime.

Raportet e ODIHR/OSBE-së, analizat e shoqërisë civile dhe dokumentet strategjike, si Udhërrëfyesi për Funksionimin e Institucioneve Demokratike, kanë identifikuar sfida dhe kanë propozuar masa për përmirësimin e procesit zgjedhor. Megjithatë, pritshmëritë për një trajtim më të thelluar të këtyre problematikave në reformën zgjedhore janë përmbushur vetëm pjesërisht.

Në këtë drejtim, nisma të mbështetura nga Ambasada e Mbretërisë së Vendeve të Ulëta dhe Ambasada Britanike kanë ndihmuar analizimin e këtyre sfidave përmes projekteve të shoqërisë civile”,- thuhet në njoftimin e KQZ-së./CNA





Lajmet e fundit nga