web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi ankimon bllokimin e KQZ-së për projektligjin për “burgjet e hapura”/ Përcaktohet relatori me short

21 Shkurt 2025, 19:05, Politikë CNA

Kuvendi ankimon bllokimin e KQZ-së për projektligjin për

Kuvendi i Shqipërisë ka kërkuar sot apelimin e vendimit të Komisionit Qendror të Zgjedhjeve për bllokimin e projektligjit të propozuar nga deputeti Nasip Naço.

Ky projektligj, që parashikon kalimin e të dënuarve në burgje të hapura, ka ngjallur shqetësime për ndikim elektoral, pasi konsiderohet të favorizojë një kategori të caktuar të popullsisë, duke krijuar një lidhje me periudhën e zgjedhjeve të 11 majit.

KQZ e ka bllokuar këtë projektligj  dhe ka argumentuar se ka një ndikim të mundshëm në zgjedhje, por Kuvendi ka kundërshtuar këtë dhe ka dorëzuar ankimim në Komisionin e Ankesave dhe Sanksioneve (KAS), duke theksuar se nuk ka asnjë lidhje të drejtpërdrejtë me zgjedhjet.

“Interpretimi i Komisionerit Shtetëror të Zgjedhjeve, në lidhje me dhënien e përfitimeve për kategoritë caktuara të popullsisë është i zgjeruar dhe tejkalon parashikimet e përcaktuara në Kodin Zgjedhor. Për më tepër në jurisprudencën e Kolegjit Zgjedhor dhe praktikat administrative të KQZ-së, është theksuar qartë se ndalimi i përdorimit të burimeve publike për qëllime elektorale gjatë periudhës së ndalimit duhet të interpretohet në mënyrë të ngushtë dhe të kufizuar”,-thuhet në ankimim.

Shorti për caktimin e relatorit të çështjes ka shpallur Ilirjan Rusmalin si relator të ankimimit të Kuvendit./CNA 

 

Kuvendi ankimon bllokimin e KQZ-së për projektligjin për





Lajmet e fundit nga