web counter
LEXO PA REKLAMA!

SHKARKO APP

App Store
Google Play

E fundit!

x

“Më 11 maj mirëpresim ata që nuk u regjistruan dot”/ Balla takim me emigrantët në Athinë

1 Mars 2025, 21:54, Politikë CNA

“Më 11 maj mirëpresim ata që nuk u regjistruan dot”/

Drejtuesi politik i Partisë Socialiste për Diasporën, Taulant Balla ka qenë i pranishëm në një takim me emigrantët në Athinë. Balla u bëri thirrje sërish emigrantëve për t’u regjistruar për zgjedhjet e 11 majit.

Për ata që nuk munden, Balla tha se i mirëpresin në Shqipëri.

 

“Janë edhe tri ditë në dispozicion. E diela, e hëna dhe e marta për të gjithë ata bashkatdhetarë këtu në Athinë apo në të gjithë Greqinë dhe gjithë botën që mund të regjistrohen. Mos harroni që më 11 maj ne do të mirëpresim të gjithë ata prej jush që për një arsye apo tjetër nuk u regjistruan dot që të mos mungoni më 11 maj. Një pjesë prej jush që takuam sot e kanë shprehur këtë gatishmëri, edhe pse keni 72 orë që ta kryeni këtë proces.

Këtu përmbyllet çdo lloj problemi që emigracioni shqiptar ka pasur në Greqi, pa harruar këtu marrëveshjen për njohjen e dyfishtë të pensioneve. Më thoni ju, cila prej qeverive në Shqipëri i ka hapur këto çështje në tavolinë me qeverinë greke? Vetëm Edi Rama! U desh që të vinte Rama në qeveri që kjo çështje tanimë të jetë në nivel grupesh pune në Tiranë dhe Athinë. Të mërkurën votohet marrëveshja me Italinë.

Na bën krenarë që kemi adresuar çështje që kanë shqetësuar ndër vite shqiptarët në Greqi, por nuk jemi ende të plotësuar, akoma na duhet të bëjmë më shumë për gjuhën shqipe. Kjo qeveri është e para që nisi dhe mbajti fjalën e dhënë para jush në maj të vitit të kaluar kur tha Edi Rama para jush se do nisim programin Mësues për Diasporën", tha Balla./ CNA





Lajmet e fundit nga