web counter
LEXO PA REKLAMA!

SHKARKO APP

App Store
Google Play

Mbyllja e kolegjit Mehmet Akif Ersoy/ Berisha: Nuk do lejojmë që vendimet për ne të merren në Beograd dhe Stamboll

26 Shtator 2022, 18:09, Politikë CNA
Mbyllja e kolegjit Mehmet Akif Ersoy/ Berisha: Nuk do lejojmë që
Foto ilustruese

Kreu i PD-së, Sali Berisha e ka quajtur një akt të turpshëm dhe poshëtrues mbylljen e kolegjit Mehmet Akif Ersoy, me arsyen se gjoja janë të lidhura me terroristë dhe puçistë në Turqi.

Berisha shprehet se nëse Turqia do të respektojë Shqipërinë si vend sovran nuk do të mundet të diktojë mbyllje shkollash dhe kopshtesh.

Kryetari i Partisë Demokratike ka theksuar se, nuk mund të lejohet që vendimet për Shqipërinë të merren në Beograd apo Stamboll.

“Tepër problematike janë relacionet e tij poshtëruese me presidentin e Turqisë.

Ne jemi një forcë politike e interesit kombëtar. Dhe ne duhet ti themi shqiptarëve të vërtetat ashtu siç janë dhe do të ua themi.

Unë e kuptoj se ka qytetarë që e interpretojnë si të veçantë qëndrimet e presidenti të Turqisë, por ato janë absolutisht në kundërshtim flagrant me miqësinë dhe bashkëpunimin që ka ekzistuar mes dy vendeve sovrane.

Së pari i rikujtoj çdo shqiptari që kurrë nuk duhet të harrojë se për ne kombi është i pari dhe ne jemi komb plureligjoz.

Ne nuk mund të pranojmë ndikime politike nga askush në raportet tona fetare.

Ata që e thanë se ‘feja e shqiptarit është shqiptaria’, ishin besimtarë të Zotit.

Ata e thanë këtë se fetë nuk duhet ti përçajnë shqiptarët.

Në një anë kërkon të emërohet kreu i Komunitetit Mysliman, i cili zgjidhet me votë nga xhemati i tij.

Tani na del se do të na hapë dhe mbyllë shkollat kur të dojë.

Nuk ka akt më të turpshëm, poshtërues, të shpifur se sa të mbyllësh shkolla e kopshte fëmijësh, se gjoja janë të lidhura me terroristë dhe puçistë në Turqi.

Pa asnjë fakt. Fakti i vetëm që gjejnë një oligark të klientelës për të thënë se e kam blerë unë godinën, Sinan Idrizi. I them Sinan Idrizit, mos e bëj veten në këtë mënyrë se do të përgjigjesh, mos luaj në interesa kombëtare.

Nëse Turqia do të respektojë Shqipërinë si vend sovran nuk do të mundet të diktojë mbyllje shkollash dhe kopshtesh.

Me asnjë manovër dhe ne këtë do të ua themi shqiptarëve kudo që janë. Ne nuk mund të pranojmë një individ si ky, për të lejuar që vendimet për ne të merren në Beograd dhe Stamboll. Kanë ikur ato kohëra.

Por ky nuk ka atdhe, ky është një apartid.

Një njeri i përkushtuar vjedhjes dhe pasurimit të tij nga mëngjesi në darkë dhe çdo ditë”, tha Berisha./ CNA.al





Lajmet e fundit nga