web counter
LEXO PA REKLAMA!

SHKARKO APP

App Store
Google Play

E fundit!

x

Kurti refuzon idenë e Ramës/ Nuk pranon konferencë ndërkombëtare për Kosovën dhe Serbinë

1 Korrik 2023, 18:01, Politikë CNA
Kurti refuzon idenë e Ramës/ Nuk pranon konferencë
Kryeministri i Kosovës, Albin Kurti

Kryeministri i Kosovës, Albin Kurti refuzuar idenë e shtruar nga kryeministri Edi Rama për një konferencë ndërkombëtare për Kosovën dhe Serbinë.

Kurti tha se konferenca nuk është një metodë që mund të zgjidhë tensionet mes Kosovës dhe Serbisë, por thotë se zgjidhja është zbatimi i marrëveshjes së arritur në Bruksel.

“Ne kemi pasur konferenca ndërkombëtare në të kaluarën dhe tani kemi një marrëveshje bazike, nga 27 shkurti i këtij viti në Bruksel dhe gjithashtu nga 18 marsi në Ohër me aneksin e zbatimit”, tha Kurti.

“Ajo çfarë duhet bërë është që pa kushte të zbatohet ajo marrëveshje bazike në tërësinë e saj dhe në mënyrë të drejtë e të balancuar. Kjo duhet të bëhet, dhe ne për këtë angazhohemi në Bruksel në takimet që kemi”, shtoi ndër të tjera kryeministri i Kosovës.

Idenë për mbajtjen e një konference ndërkombëtare për Kosovën dhe Serbinë e shpalosi më 27 qershor kryeministri i Shqipërisë, Edi Rama.

Rama bisedoi në Bruksel më zyrtarë të lartë evropianë, përfshirë presidentin e Këshillit Evropian, Charles Michel, i cili mbështeti këtë ide.

“Mendoj se ka ardhur koha të kemi një qasje globale dhe të bëjmë hapa të qartë drejt normalizimit të marrëdhënieve Kosovë-Serbi”, tha Michel më 29 qershor./ CNA.al





Lajmet e fundit nga