Kroacia dhe Sllovenia kundër sanksioneve për Kosovën/ Berisha: I dhanë goditjen fatale Vuçiçit

1 Korrik 2023, 12:40, Politikë CNA

Kroacia dhe Sllovenia kundër sanksioneve për Kosovën/ Berisha: I

Kreu i PD-së, Sali Berisha

Kreu i PD-së, Sali Berisha shpreh mirënjohje kundrejt kryeministrave të Kroacisë dhe Sllovenisë për bllokimin e hyrjes në fuqi të sanksioneve të BE-së ndaj Kosovës.

Me anë të një shkrimi në rrjetet sociale, Berisha deklaron se ata i dhanë një goditje fatale politike argatit të presidentit serb, Aleksandër Vuçiç, duke nënkuptuar kryeministrin Edi Rama.

Ndër të tjera, ish-kryeministri rikujton çështjen McGonigal, duke ngritur pretendimet se kreu i qeverisë është në hetim të hapur penal në Gjykatën e Washingtonit për korruptimin e ish-shefit të kundërzbulimit të FBI-së për New York-un.

Sipas tij, kryeministri kërkon që me sulmet e tij ndaj Kosovës të lehtësojë pozicionin e tij në çështjen McGonigal dhe të fitojë tolerancën e ndërkombëtarëve.

“Mirënjohje ndaj kryeministrave të Kroacisë dhe Sllovenisë.

Te dashur miq, dje në Bruksel kryeministrat e dy vendeve mike të rajonit Kroacisë dhe Sllovenisë, bllokuan propozimin e ndëshkimit të njëanshëm, vendosjen e sanksioneve vetëm ndaj Kosovës.

Ata i dhanë një goditje fatale politike argatit të serbomadhit Vuçiç, i cili në shërbim të neveritshëm ndaj patronit te tij, kohë para se të diskutohej në Bruksel vendosi i pari sanksionet ndaj Kosovës.

Duke shprehur mirënjohjen time dhe të PD, kryeministrave të vendeve mike të rajonit tonë për qendrimin e tyre objektiv, shtoj këtu se nuk duhet harruar për asnjë çast se Edi Rama i cili është në hetim të hapur penal në Gjykatën e Washingtonit për korruptimin e shefit të kunderzbulimit të FBI për New York-un dhe përdorimin e tij gjatë kohës që ishte në detyrë për shkatërrimin e opozitës.

I vetdijshëm se hetimi i hapur penal, domethenë dera e hapur e burgut për Ramën, ai kërkon gjithashtu që me sulmet e tij ndaj Kosovës të lehtësoj pozicionin e tij për krimin e rënde që ka kryer. Shtoj këtu se është kërkuar që dosja McGonigal-Edi Rama të bashkohet me Dosjen McGoniga-Deripaska të New York-ut, gjë që përbën një përkeqësim të tmerreshëm të gjendjes së Ramës dhe flet për rënien e tij në merimangën ruse”, thekson ish-kryeministri./ CNA.al